Eri taqawokajnel rech Ya’olchajinik pa Amaq’, Edgar Leonel Godoy, xopan pa solinem pa taq le ja chakub’al rech ri e ajchaijl tinamit ri’ pa le urox q’ij rech Taqawokaj rech Puertas Abiertas, xuya’ ri utzil kuwach xuquje’ xuki’kotirsaj ri e ajchak rech ri Wokajil Ajchajil Tinamit (PNC) che ri tajin kakitijoj kib’ rech nab’ejsab’al b’anoj kunanem.
Eri b’anoj tijonem chi ke ri’ are xya’taj kumal e ajkun rech ri Cruz Roja Guatemalteca, ri xetijox che kikunaxik winaq che ri kesakataj ri’, ri kek’atik, rech kakikoj pisob’al chi rij b’aq’ keq’aj ri’, xuquje’ pa le ukab’ uwach b’anoj kunanik ri’, xuquje’ xetijox chi rij b’anoj nab’ejsab’al kunanik, rech kaketaj ri yab’ilem chi ke ri winaq ri’, rech kakilo winaq che ri k’ax kakijoq’ij kuxlab’ ri’ ruk’ nik’aj chik b’anoj kunanik ri’.
Aretaq xtzijon kuk’ ri e ajchajinelab’ ri’ eri Ministro xuki’kotirsaj ub’ixik kuwach xuquje’ sib’alaj xki’kotenik kuk’ rumal kiya’om kanima’ che uch’ob’ik kakunaxik ri kachib’il aretaq keyab’inik ri’.
“Jun nimalaj ki’kotemal chuwe in kinlinya’o ri utzil iwach xuquje’ kinrayij jun utz b’anikil pa ik’aslemal”, xcha’ ri ri Ministro aretaq xtoq’ij chi ke ri rech kakitijoj kib’ ri’ rech are ri xketamaj kakikoj pa taq le kipatan ri’.