Eri reqa’lenelab’ ri Comando Antisecuestros rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC) xkichap e job’ uwinaqil jun molaj b’anol kib’i’ “Los Sureños”, e are kab’ixik kakeleq’aj winaq, kekamisanik xuquje’ kakitoq’ij pwaq ri’. Eri are ri’ xechap pa jun puqchajinem tzukunik xb’an pa komonchak ruk’ ri Fiscalía Contra Secuestros rech MP pa jalajoj taq k’olib’al rech ri zona 3, pa le runimal tinamit rech Escuintla.
Eri nik’aj xechapik e are k’ut a Edwin N, 33 ujunab’; al Blanca N, 43 ujunab’; a José N, 19 ujunab’; al Sara N, 35 ujunab’; xuquje’ a Alexander N, 24 ujunab’; eri kimak kab’ixik kakeleq’aj winaq, kakikamisaj winaq xukquje’ b’anoj taq elaq’ ri’. Pa taq ri tzukunem ri’, xriqitaj 10 mil 351 chi pwaq, ch’aweb’al xuquje’ nik’aj chik jastaq xriqitaj ri’.
Eri tzukunik xb’an ri’ rech xterne’x rilik rij jun winaq 21 ujunab’ xk’am b’i kumal b’anol k’ax xuquje’ chi rij jun k’aqb’al rech jun ajchajinel xriq ri’, pa le 18 rech septiembre rech 2024, pa le kilómetro 60.5 rech ri nimab’e kab’e pa EScuintla k’ab’e pa Taxisco, Santa Rosa.
Eri tzukunem ri’, xuq’alajisaj che ri nik’aj molaj b’anol k’ax kakeleq’aj winaq e are sib’alaj xkitoq’ij 500 mil chi pwaq chi rij ri’ rech kakitzoqopij loq, ri xesax pa kaqab’ ri’ pa job’ q’ij chik pa rulewal tinamit ri’.
Le Wokom K’amal B’e Amaq’ Iiximuewl pa uchakunik ri Ministerio rech Gobernación (MINGOB) ruk’ ri b’anoj chakunem ri’ xkub’isaj kaq’atexik taq ri nuk’molaj b’anol k’ax ri’ xuquje’ rech ri b’anoj chajin winaqilal pa rulewal ri tinamit ri’.