Are wa’ uwach ri Ub’e’al Uloq’axik Kuwach ri Wokajil Ajchajil Tinamit ri’, rumal ri’ pa we q’ij, eri Ministro rech Gobernación, David Napoleón Barrientos ri’, xuya utzijob’elil ri b’anoj rech ri Plan rech Seguridad 30-2022 ri’, rech B’anoj Chajinem pa Taqawokajilal rech Q’atenik ri B’anoj K’ax ri’, ruk’ ri’ kab’an uq’atexik ri b’anoj k’ax pa rulewal qatinamit Iximulew ri’.
Rumal k’u ri’, eri reqa’lenelab’ ri Wokajil Ajchajil Tinamit (PNC), pa unimaxik uwach ri b’anoj ri ya’olchajinem uto’ik uwach kik’aslemal kijasta ri winaqilal, rumal ri’ tajin raq’ansaxik kuwach ri e ajchajil tinamit, b’anoj tzukunem, chajinik che kaqan xuquje’ chi rij kejach’ich’, xuquje’ kakib’an ri chajinem pa taqawokajilal ri’ rech uq’atexik ri b’anoj k’ax ri’.
Chajinem tzukunik kumal ri PNC
Eri chajinem kumal e ajchajil tinamit are la’ tajin pa taq k’olib’al ri ya’olchajinem tzukunik pa taq nimab’e, chajinem pa k’olib’alil, tzukunem pa kachoch winaq xuquje’ ub’inisaxik uwach chajinem tzukunik pa taq ub’e’al k’olib’al ri’, b’anoj puqchajinem chi rij kejach’ich’ pa latz’b’e uxo’l taq ja pa tinamit xuquje’ pa taq nimab’e pa tinamit.
Jeri’ xwa’katex ub’anik ri chajinem tzukunik pa taq ri colonias, aldeas xuquje’ pa taq le kab’antaj wi ri k’ax ri’, chi la’ k’ut xta wi rilik uwach kiwujilal kitzijol e ajb’inisal kejach’ich’, tuctucs xuquje’ taxis ri’. xuquej’ xilotaj kitzijol pa le chokonsab’al MI3 ri’, xsolix kuwach ri k’ayib’al xuquje’ ri k’ayib’al taq jastaq rech katij ri’ chi la’ k’ut xkilo wi we man k’ot tijowtzam kab’an pa taq chaq’ab’ chi la’ k’ut.
Eri cholchajinem ri’ are la’ xmajtaj ub’anik are xmajtaj loq ri nimaq’ab’ rech q’ij kamik xuquje’ are kak’is ub’anik panik’aj aq’ab’ rehc ri 31 rech diciembre rech pa junab’ ri’.