Pane’ b’a’ xb’itajil che maj k’ayin xuquje’ tijow tzam kumal taq ri winaqil are maja’ na xuquje’ pa le Toque de Queda, eri ub’ixikil chak b’anom ri Wokajil Ajchajil Tinamit kub’ij che e k’o ri’ 4 mil 047 chi winaqil e chapom chik pa le 22 rech marzo pa le 8 rech junio rech 2020, e k’o 12 mil 829 chi e ajb’inisal taq ch’ich’ e q’ab’arinaq xechap loq pa we amaq’ ri’.
Xuquje’ e k’o ri’ 11 mil 218 xek’am b’i pa q’atb’altzij ri’ chi rij ri kimak ri’. Jeri’ pa taq le rulewal tinamit rech Escuintla, Cobán, Chinab’jul, Quiché, Mazatenango xuquje’ San Marcos, chi’ k’ut qas e chapom wi loq ri winaqil che ri keniman taj.
Chi ke konojel ri xechapataj loq, e k’o 22 mil 538 chi achijab’ xuquje’ e k’o 1 mil 509 chi ixoqib’ ri’, jeri’ e k’o 401 chi e q’apoj winaq ri’.
Eri K’amal b’e Amaq’il ri’ Alejandro Giammattei, are k’ut xutaq ukojik ri taqanotzij rech uq’atexik ri jun Itzel yab’il rech ri Coronavirus Covid-19 ri’.
Eri jujun winaq e chapom loq e k’amom b’i pa le Nimalaj Q’atb’altzij ub’i’ Torre rech Tribunales rech kechomax chi rij ri kimak ri’.