Eri Víctor Manuel García 36 ujunab’ xuquje’ ruk’ ri Arnoldo Escobar Rodríguez 53 ujunab’ xechap loq kumal reqa’lenel ri Wokajil Ajchajil K’ache’laj (DIPRONA) rech ri Wokajil Ajchajil Tinamit (PNC) ri’.
Eri q’atb’altzij kakib’ij eri nik’aj achijab’ ri’ xeraqataj loq aretaq ketajin pa qupim che’ pa k’ache’laj rech kakib’an si’ ruk’ taq ri che’ ub’i’ Jicarillo, Aguacatillo rech Montaña, Manchiche ruk’ nik’aj chik ri’.
Ronojel ri si’ kesam chik k’o chik pa nim uchomajil ri’, aretaq qas xb’an le rilik are kesam chik pa oxib’ manzanas chi che’ kaqupim chik, xuquje’ ri k’o xkiporoj chi’ rech taq Guano, Chico Zapote, Palo de Jiote, Manchiche, Jicarillo, Aguacatillo rech Montaña, ri are kub’an ruk’ 300chi etok’al rij che’ ri’ xuquje’ k’o 70 nim raqan che’ rech Chico Zapote kesam chik ri’.
Aretaq xtaq uwujilal ri che’ kesam chik eri e are ri’ xkib’ij man k’ot le kuwujil ri’ rumal ri’ xechap loq xuquje’ xk’am b’i juntir ri che’ kesam chik.