Eri Subdirector General rech Operaciones rech ri Wokajil Ajchajil Tinamit (PNC) xutaq ub’anik rech xmajtaj ri b’anoj chajinem tob’anik pa le xtaq wi loq ri juyub’ chi kij ri winaq chi la’ paq’ij lunes 24 rech abril pa le aldea Las rech ri rulewal uq’ab’ tinamit rech Casillas, Santa Rosa ri’.
Eri Taqanelab’ rech ri Subestación 32-32 rech pa tinamit ri’ xuya’ ub’ixik eri reqa’lenel ri Grupo rech Búsqueda xuquje’ Rescate (GBR) rech ri PNC e are k’ut e reqa’lenel ri División rech Fuerzas Especiales rech ri Wokaj Ajchajinelab’ (Difep) xe’opan chi la’ pa le k’olib’al winaqil rech kakito’o ri rajchak ri Coordinadora Nacional rech ri Reducción rech Desastres (Conred) xuquje’ xkito’o ri reqa’lenel ri Wokajil Ajchajil Amaq’ Iximulew, pa le katzukuxik kariqik ri winaqil xemuqitaj xe’ le juyub’ xuquje’ rech kechajin chi la’ k’ut.
Eri taqanel rech ri Difep xub’ij eri wokaj eqa’lenel ri’ sib’alaj xetijoxik rech xkich’ob’ ri nab’ej taq b’anoj kunanem pa aninaqil pa le kaukuxik xuquje’ kato’ik ri’. Panik’aj q’ij kamik eri Inspector taqanel rech ri GBR xub’ij pane’ qas nim ri k’ax ri juyub’ xtzaq loq chi kij ri winaq chi’ rumal ri’ k’i ri ch’ich’ rech chakub’al xkoj chi’ rech kujam uwach ri k’olib’al ri’, xk’is ub’ixik.