Pa jun b’anoj tzukunik kumal reqa’lenel ri Comisaría 12 pa le kilómetro 5.5 nimab’e kab’e pa Atlántico zona 17, chi’ k’u ri’ xkiq’atij wi jun ch’ich’ ruk’ uplakas P-306 GRD ri’.
Eri q’atb’altzij rech ajchajil tinamit ri’ xekowin k’ut xkiraqo k’i taq k’aqb’alil aretaq xkisolij upam ri jun ch’ich’ ri’ chi’ k’u ri’ xkichap wi loq jun winaq ruk’ oxib’ raqarik k’aqb’alil AR-15, ruk’ jun fusil AK-47, ruk’ waqib’ (6) chi k’aqb’alil, keb’ (2) k’aqb’al chik, ruk’ k’i ub’aq’ k’aqb’alil xuquje’ nik’aj chalecos antibalas ri’.
Eri ajtzijolinel rech ajchajil tinamit xub’ij eri xchap loq are a Walter Antonio Domingo Granados 43 ujunab’, kab’ixik are uwinaq ri Mara Salvatrucha xuquje’ are ajq’axel k’aqb’alil ri’ che ri kakoj pa le b’anoj taq k’aqanik ri’, rumal ri’ xk’am b’i pa q’atb’altzij ri’.