Eri Wokajil Ajchajin Tinamit (PNC) katajin che kato’ik ri winaq tinamit xkiriq k’ax rumal ri ixkanul rech Q’aq’ xpoq chi kij loq, rumal ri’ tajin kakito’o pa taq k’olib’alil, e k’o tajin kakesaj pa k’ax ri’ xuquje’ ri tajin ke’echila’n chi ke taq ri ak’alab’.
Eri b’anow tob’anik ri’ are tajin pa kemonchak kuk’ taq ri wokajil ri kiwokom uwach ri Sistema CONRED, rumal ri’ eri wokajil ajchajin tinamit sib’alaj kesik’in chi ke ri winaqilal ri kakito’o ri kab’ix chi ke kumal taq ri ajtob’anel chi ke xuquje’ rech kakeche’j che rajawaxik b’a’ kakito’o kib’ chi la’ k’ut.
Pa kemonchak ruk’ ri Taqawokaj Ajchajin Amaq’ Iximulew, kuk’ ri wokaj chajin tinamit xetob’anik chi ke taq ri winaqilal e achalalil rech ri aldeas Panimaché I xuquje’ Morelia, pa San Pedro Yepocapa, Chimaltenango, pa amaq’el ketajin che puqtzukunem rech kesaxik ri winaqilal pa k’ax ch la’ rech kakik’am b’i pa taq ri utz k’olib’alil ri’.
Sib’alaj pa aninaqil b’a’, eri reqa’lenelab’ ri Subdirección General rech Prevención rech ri Delito xkib’an b’anow ketz’b’exik ri e 75 chi taq ali taq ala che ri kito’om kib’ pa le nimaja rech ri uq’ab’ tinamit San Juan Alotenango, Sacatepéquez, xuquje’ ri xkijach wi ja’ kijorom ri winaqil e achalal chi la’ k’ut.