Eri b’anow rech kaq’atexik ri nuk’molaj b’anol k’ax are xub’an nim upatan rech xresaj kachuq’b’ ri nik’aj molaj b’anol k’ax rech taq pandillas ri’ xuquje’ rech kuya’ uchuq’ab’ ri ropanib’al uwach ri Taqawokaj Amaq’ pa rulewal tinamit. Pa enero k’a pawe q’ij kimik, eri wokajil ajchajin tinamit k’o 324 chi esal rachib’al videovigilancia kojom kumal nik’aj b’anol k’ax ri’ xesax loq kumal ajchajin tinamit chi la’ pa taq le tinamit rech Iximulew xuquje’ rech pa Chimaltenango ri’.
Pa ronojel ri esal achib’al ri’, k’o 162 esam loq ri kojom chi la’ kumal uwinaqil ri jun pandillas rech ri Barrio 18 ri’; k’o 86, xesax loq ri kojom kumal chi la’ kumal ri Mara Salvatrucha (MS) ri’; xuquje’ k’o 76 xesax loq ri kojom chi la’ kumal ri e’ajk’ayin awan kunb’al, elaq’om chi rij taq kejach’ich’, kumal ri kakeleq’aj kejach’ich’ xuquje’ kakib’an nik’aj chik b’anow k’ax.
Eri xb’antaj ri’ are la’ kuq’alajisaj ri chak xb’antaj rumal ri Subdirección General rech Investigación Criminal rech ri Wokajil Ajchajin Tinamit (PNC), pa kemonchak ruk’ ri Taqawokaj Ajchajin Amaq’ Iximulew, rech xe’esaxik ri jupuq uwach taq ri esal rachib’al rech videovigilancia pa awalik kojom, rech xq’atataj uchuq’ab’ ri b’anow chajinem kumal nik’aj molaj b’anol k’ax, xuquje’ ri xetob’anik pa le usuk’umaxik ri jamalib’al k’o pa tinamit ri’.
Ruk’ taq ri tzukunem chi rij wari’, xq’alajinik che nik’aj molaj b’anol k’ax ri’ kikojom ri kemechakub’al ri’ rech kakichajij ri winaq kakib’an k’ax chi ke, rech kakixib’ij xuquje’ kakiterne’j le rilik rech wexa’ ke’opan ri wokaj ajchajin tinamit chi kij, rech kakiya ub’ixik chi kuwach xuquje’ rech kakiya ub’ixik chi kuwach kakib’an ri b’anow k’ax ri’.
Eri wokajil ajchajin tinamit xkiterne’j ub’anik ri puqtzukunem rech uriqik, kakesaj loq chi la’ ri jupuq esal rachib’al videovigilancia pa awalik kojom chi la’, ri are la’ kojom chi la’ kumal nik’aj b’anol k’ax. Ruk’ ri b’anow tzukunem ri’ are rech kaya’ik uchuq’ab’ ri chajinem chi la’, rech keto’ik kechajixikri winaq pa tinamit xuquje’ rech saq chik pa tinamit che ri xesax wi nik’aj b’anow k’ax ri’.