Rumal k’ut xaq katajin ri b’anol puqchajiem xb’antaj ri’ pa le uq’ijol ri upatanaxik ri Plan Operativo Táctico Integral 13-2022, are xuya’ uchuq’ab’ ri ya’olchajinem pa taq le k’ulb’a’t juyub’ pa amaq’il ri’ ruk’ ri ya’olchajinem xb’antajik rech kub’sib’al uwach pa usaqil kiq’axenik winaq ri’, pa kub’sib’al k’u’x xuquje’ pa ucholalejil pa Iximulew ri’.
Pa uterenb’exik ri b’anoj ya’olchajinem ri’, eri reqa’lenel ri comisaría rech Alta Verapaz xkiya’ loq utzijol uchapik jun achi ub’i’ Ronaldo Barrera Lemus 53 ujunab’ kab’ixik are e uk’amom b’i ri e jo’ob’ chi venezolanos ri xeriqitaj pa le tak’ib’al ch’ich’, pa zona 6 rech Cobán ri’.
Eri winaqil naj tinamit kapetib’al ri’ xe’ok loq maj pa usaqil pa rulewal qatinamit ri’ ri xek’am b’i kuma ri reqa’lenel ri Wokajil Ajchajil Tinamit (PNC) pa le k’olib’alil k’o pa le Instituto Guatemalteco rech Migración (IGM), zona 5 rech pa nimatinamit, chi la’ k’ut xek’ul wi rech xetzuqik xeta’ik ri’.
Rumal ri’ eri Barrera Lemus xk’am b’i pa q’atb’al tzij ri’, chi rij ri k’ax ri’ xub’ano.