Eri reqa’lenel ri Wokajil Ajchajil Tinamit (PNC) xetob’an pa le kasexik ri winaqib’ che ri kiq’atim nimab’e pa rulewal tinamit aj iximulew ri’ ruk’ wa’ are kakikub’isaj umajik uwach ri nimab’e ri’.
Xaq kasaqarik rech sábado ri’, eri reqa’lenel chajin tinamit xkimajo uwach ri nimab’e pa le kilóemtro 67.5 nimab’e rech ri juyub’al aldea Amberes, Santa Rosa xuquje’ pa le kilómetro 113, juyub’al rech ri aldea Cocales, Patulul, Suchitepéquez ri’.
Xuquje’ xb’antaj kowonem xjamatajik ri b’e q’axnik pa ronojel taq ri nimab’e rech Petén, rech Jalapa xuquje’ rech El Progreso. Jeri’ pa le krusb’e ub’i’ El Cruce La Ruidosa, Morales, Izabal.
Xuquje’ xjamataj uwach ri nimab’e kab’e pa le Atlántico Centra Norte ri’, pa El Periférico, pa la Bethania, zona 7, pa Calzada Roosevelt, pa Boulevard Liberación xuquje’ pa Avenida Bolívar.
Eri xb’antaj kumal ri PNC ri’ are la’ rech kakub’isax kiq’axnik ri winaqib’ pa tinamit, rech kopan kiwa rikil, rech kanimaxik ri toq’ob’ utzilem chi ke ri winaqil e aj iximulew ri’.