Eri PNC xkichap loq nik’aj xkikamisaj ri alaj ali oxib’ ujunab’ ri’

Eri e oxib’ b’anol k’ax che ri xkik’am b’i xuquje’ xkikamisaj xuquje’ xkib’an k’ax che ri alaj ali oxib’ ujunab’ ri’ e are k’ut xechapataj loq kumal ri Wokajil Ajchajil Tinamit (PNC) ri’.

Are wa’ xkiya’ loq utzijol ri q’atb’altzij rech ajchajil tinamit ri’ e are ri reqa’lenel  ri División Especializada rech Investigación Criminal (DEIC) ri puqchajinel rech Escuintla ri’ pa keb’ q’ij xb’antaj wi kowinem kumal xkichap loq nik’aj b’anol k’ax ri’.

Rumal k’u ri’ xb’antaj kowinem xchapataj jun achi ub’i’ Antony Alexander Hernández Canel, 19 ujunab’ alias “Agapito”; jun chik ub’i’ Jonathan Rivera Morales, 23 ujunab’ alias “Cristian” xuquje’ jun chik ub’i’ Gabriel Esmyler Vásquez Marroquín, 20 ujunab’ alias «Esmyler” e are kab’ixik xkib’an k’ax che ri alaj ali ri’ ri te k’u ri’ xkikamisaj ri alaj ali ub’i’ Hillary Saraí Arredondo de León, oxib’ ujunab’, are b’anoj k’ax ri’ xb’antaj iwir 18 rech enero pa le parcelamiento El Caspirol, Tiquisate, Escuintla ri’.

Sib’alaj k’o upatanib’al ri’ kab’ixik eri PNC xkik’am uwach ri q’alajisab’al rech ri’ ruk’ ri xkib’ij ri winaq pa le q’ij xtzukux uwach ri’ k’a pa le q’ij 17 are chi’ ri rachalal ri alaj ali ri’ xkiya’ loq ub’ixik xsach ri alaj ali, k’a chi la’ k’ut xya’ ub’ixik pa jun Alerta Alba Keneth, chi’ k’u ri’ xb’ixik che e k’o oxib’ chi winaq xek’amoj b’i, rumal ri’ pa komon chak ruk’ ri Ministerio Público xta che jun q’atol tzij rech kutaq uchapik nik’aj achijab’ ri’.

Xuquje’ ri jun a Hernández are kab’ixik xuk’am b’i, ri qas xub’an k’ax chi xuquje’ are xukamisaj, en k’u ri nik’aj keb’ chik xechapatajik eri q’atb’altzij xub’ij xekamisanik xuquje’ xkib’an chi re ri’.

Rumal k’ut xkib’ij loq ri winaqil ri’ are wa’ k’o nim upatanib’al rumal ri’ xb’antaj kowinem xechap nik’aj achijab’ e b’anol k’ax ri’, kuk’ ri winaqil ri’ xb’antaj kowinem xeriqitajik xuquje’ xch’ob’otajik e chinaq k’u ri’ areta xb’antaj kowinem kuk’ xechapatajik.

Xuquje’ xya’taj utzijol eri nik’aj b’anol k’ax ri’ xtij kiporoxik kumal ri winaqilal chi la’, rumal e are xkib’an k’ax che ri alaj ali Hillay Arredondo oxib’ ujunab’.

Noticias Recientes