Rumal pa aninaqil xe’opan ri reqa’lenelab’ ri Grupo rech Reacción Inmediata Lobos (GRIL) xuquje rech ri comisaría 41 rech ri Wokajil Ajchajil Tinamit (PNC) xe’uchap keb’ chi elaq’oamb’ pa jun pwaqb’al ja k’o pa le colonia Trigales, zona 7, Quetzaltenango ri’.
Eri nik’aj xechapatajik xch’ob’otaj kuwach e are k’ut jun ub’i’ Cristian Aron Girón alias “El Gordo” xuquje’ jun chik ub’i’ Carlos Humberto Romero Cruz de nacionalidad hondureña alias “El Catracho”. Pa le kchapik xriqitaj jun kejach’ich’ kuk’ ri chi rij keb’in wiri’.
Eri elaq’omab’ ri’ are chi’ xkilo xe’opan e ajchajil tinamit xkijipij kanoq ri pwaq pa el pwaqb’al ja xuquje xkaj xekanimajik, pa aninaqil k’ut xechapataj kumal ri e ajchajil tinamit, xecha’ ri q’atb’al tzij.
Aretaq xil kitzijol kumal ri PNC xeq’alajin ri’, che ri Romero Cruz k’o umak toq’inik pwaq ub’anom xuquje’ kareqaj k’aqb’al maj pa usaqil ri’ pa taq le junab’ 2016 xuquje 2017 ri’. Enk’u ri a Girón kab’ixik eri umak ub’anom are b’anoj k’ax che rixoqil ri’ xuquje’ b’anoj k’ayin awan kunb’alil pa 2020 xuquje’ pa 2022 ri’.