Ruk’ ri puqtzukunem ri’, eri Wokajil Ajchajil Tinamit xkiterisaj 427 chi ewal esal rachib’al ri videovigilancia ri’ pa 2026.
Pa ri nimachak kumal ri taqawokajilal, eri Wokajil Ajchajin Tinamit (PNC) xresaj 21 chi ewal esal rachib’al rech videovigilancia pa taq ri colonias Las Ilusiones xuquje’ pa Maya, zona 18, xuquje’ pa Canalitos, zona 24, che kab’ixik e kojom kumal taq nik’aj pandilleros rech kakika’yej uwach rech kakichajin ri tinamit.
Jas ri xk’utu pa ri tzukunik, kab’ixik che we ch’ich’ kemechakub’al ri’ are e kojom pa ewalik kumal itzel molaj winaqib’ rech ri Barrio 18 xuquje’ ri Mara Salvatrucha, rech kakika’yej ri kib’inik kiwa’katik ri q’atb’al tzij xuquje’ rech kakichajij jujun taq k’olib’al chi la’ k’ut.
Eri tzukno’jchak ri’ xb’an kumal ri División Especializada rech Investigación Criminal (DEIC), ri Dirección rech Análisis rech Información Antinarcótica (DIDAE), ri Subdirección General rech Tecnología rech ri Información xuquje’ ri Comunicaciones (SGTIC), ri Subdirección General rech Análisis xuquje’ Legalidad (SGAL) xuquje’ xetob’ ri Ajchajinelab’ Tinamit rech Iximulew ri’.
Ruk’ ri 21 esal rachib’al xesaxik pa we chak ri’, eri PNC xrajilaj 427 chi ewal resab’al rachib’al ri chajinem pa we junab’ ri’, eri chajinik rech kesax kichuq’ab’ ri e itzel molaj winaqib’ che ri chajinik kakib’ano.