Pacha’ ri tzukunem b’anom, we ch’ich’ kemechakub’al ri’ kekoj kumal molaj ajb’anol k’ax etzelal rech pa amaq’el ri chajinem xuquje’ keq’atinik pa k’olib’al pa tinamit ri’
Ri Wokajil Ajchajin Tinamit (PNC) xresaj 32 esa rachib’alil ri videovigilancia kojom pa q’equ’mal pa oxib’ wokja rech ri zona 21 pa ri nimatinamit, pacha ri chak b’anom kumal ri k’i k’ulb’atalik rech kuto’ ri jikomal xuquje’ kachup uq’ij ri itzelal b’anow k’ax ri’.
Eri b’anob’alil xkib’an pa junamil ri puqtzukunem pa taq ri colonias Justo Rufino Barrios, pa Vásquez xuquje’ pa Loma Blanca, chi la’ k’ut che ri xeriqitaj wi ri no’jchakub’al ri’, jacha ri tzukunem b’anom, e kojom kumalo ri ajb’anol itzelal k’ax rech kib’anom kachajixik ri ajchajinelab’ xuquje’ ri winaq ri kakib’an k’ax chi ke ri’.
Pa taq ri puqtzukunem ri’ e’are jun ri ukab’al ajchajinelab’ rech ri Wokajil Ajchajin Tinamit, kachila’m ri Ajchajinelab’ recj ri Uwachulew Iximulew xuquje’ ri q’atb’al tzij rech ri tinamit, ri xeb’anow ri chak pa junamil rech xeqasax we ch’ich’ rech no’jchakub’al ri kojom pa q’equ’mal ub’anik ri’.
Pa we chak ri’ xe’opan taq ri ukab’al ajchajinelab’ rech ri Policía Nacional Civil, kachilam ri Ajchajinelab’ rech ri Uwachulew Guatemala xuquje’ ri q’atb’al tzij rech ri tinamit, ri xeb’anow chak junam rech keqasax we ch’ich’ ri kojom pa q’equ’mal.
Eri q’atb’al tzij xkib’ij che we chak ri’ are kutzukuj ukojob’ik ri uchupik uq’ij ri itzelal b’anow k’ax, rech uriqik chi jumul taq ri k’olib’alil xuquje’ ri utzilal chi ke ri winaqil keriqitaj pa achk’ul, pa le b’anik ri komon chak kumal taq ri taqawokajil ri e’ajpatanelab’ rech ri chajinem winaqilal ri’.
Eri Wokajil Ajchajil Tinamit kusik’ij ri winaqilal rech kek’oji pa na’talik ri’ xuquje’ rech kakitzijoj loq wexa’ k’o ri b’anob’al k’ax man utz taj kakilo kab’anik rech kakib’ij loq pa le 110 xuquje’ pa 1561, rech keto’nik pa le chak rech uchupik usachik uq’ij ri itzelal b’anow k’ax ri’ xuquje’ katzukux uwach rech kuya’o uchuq’ab’ ri jikomal chajinem pa amaq’ tinamit.