Eri Joel Mejía Cabrera, 21 ujunab’ kab’ixik are xchapataj loq pa le japache’ kech e q’apojil kech Alab’om ri’, ub’i’ etamam are “Gaviotas”, aretaq xsolixik upam ri ja rech uwarib’al chi’ k’ut k’o jun ch’awib’al xraqataj chi’. Are wa’ man saq ta rij rech kukoj tane’ chi’.
Eri Mejía Cabrera k’o pache’ che utojik waqib’ junab’ katz’apib’ chi’ rumal k’o kamisanik xub’ano, k’a pa junab’ 2014.
Eri xchapataj ri’ are wa’ xb’antajik pa jun tzukunik xb’an kumal rajchak ri Secretaría rech Bienestar Social pa “Gaviotas”, ri xeta ri’ kumal e 100 chi e ajchajil tinamit ri’.
Chi’ k’u ri’ xraqatajik k’i taq jastaq rech ch’awib’alil, k’o puch’b’al pusb’al xraqataj chi’ xuquje’ k’o wujil k’o rajilab’al kich’awib’alil winaqil chi upam ri’ rech ketoq’ixik che pwaq ri’.