Eri K’amoj B’e rech ri Wokajil Ajchajil Tinamit (PNC) pa komonchak ruk’ ri Subdirección General rech Prevención rech ri Delito (SGPD) pa unimaxik upatanexik ri Cholchajinem ub’i’ Prevención Esxolar, pa le nab’e q’ij rech enero pa le 29 rech diciembre ri’ xb’antaj kumal 9 mil 965 chi b’anowem chajinik chike e 253 mil 742 chi winaqil e k’o ixoqib’, achijab’, alab’om alitom xuquje’ ak’alab’ chi ke ri’.
Eri SGPD xkib’ij chi k’o chik 3 mil 899 chi k’uttijonem kib’anom chi ke e ajtijoxel rech ri rachoch tijonem ri’ chi rij taq ucholajik b’ixik kichak e ajchajil tinamit xuquje’ ri k’axk’onem kuya ri b’anoj k’ax ri’ chi ke ri ak’alab’ kakitijoj kib’ pa le ub’anowik ri programa Policía Tú Amigo, k’o 3 mil 441 kopanem ri q’atb’al tzij pa taq rachoch tijonem, k’o 1 mil 211 chi k’uttijonem b’anom chi ke kawinaqilal ri rachoch komon tijonem ri’ rech q’atenik ri k’ax chi ke ri ak’alab’ xuquje’ alab’om alitom ri’ rech ke’ok pa taq kuk’ ri pandillas xuquje’ ri maras rech kek’oji pa le cholchak ub’i’ programa GREAT ri’.
Eri ub’ixik ri’ chi k’o 80 chi k’uttijonem xb’an chi rij kachajixik ri ak’alab’ xuquje’ ri alab’om alitom, k’o 179 ropanik ri LESH kuk’ taq ri ak’alab’ rech xutzijon kuk’, k’o 83 chi q’atenik toq’inem pwaq ri’, k’o 151 chi riqonem xb’an kuk’ ri komon rech prevención estudiantil ri’, k’o 55 chi chomanem xb’an kuk’ ri tat nan chi rij ri utzilem ya’talil chi ke ri ak’alab’ xuquje’ k’o 126 chi k’uttijonem xb’an ch ike ri tat nan chi rij taqanem rech kachajixik ri e ak’alab’ xuquje’ ri alab’om alitom ri’.
Xuquje’ k’o 161 chi komon xekojik rech prevención estudiandil, k’o 14 chi nimaq’ij na’tib’al xb’an pa uwachulew rech man k’ot jun achi kuya ak’al chi kij ri alitom ri’, k’o 56 kiq’ij ri ak’alab’ xb’anik jacha’ kab’an pa uwachulew, k’o 41 tijonem rech uxulanib’al q’ij xb’an kumal ajchajil tinamit, k’o 22 lunes cívicos xb’an ri’, k’o oxib’ opanem solinik xb’an pa museos ri’ xuquje’ k’o 215 chi b’anowem rilik q’atenik k’ax xya’taj ub’ixik ucholajil ri’.