Eri q’atb’al tzij rech ri Subdirección General rech Operaciones rech ri Wokajil Ajchajil Tinamit(SGO-PNC), xkiya utzijol che pa le uq’ijol ri ley seca pa le 23 rech junio kanoq, are chi’ xechapatajik 181 chi winaqil ketajin pa le b’anoj k’ax ri’ xuquje’ xechap ri’ 23 chi ch’ich’ pa we qatinamit.
Eri PNC xub’ij, chi e k’o lajuj chi winaqil xechapatajik pa le uq’ijol ri cha’onem xb’an pa tinamit, e k’o 16 xechapik rumal b’anoj ch’ojinik, e k’o 22 rumal keqam k’aqb’alil, e keb’ rumal xkesaj rachib’al xkiya ub’ixik keriqitaj pa cha’onik, e b’elejeb’ rumal xecha’yon chi ke ri ajchajil tinamit, e 21 rumal xemakunik are chi’ kab’inisam kich’ich’, e k’o 87 rumal xkitij tzam xuquje’ e k’o 14 rumal xkib’an ch’ojinik pa cha’onem.
Eri ajchajil tinamit xkiya ub’ixik chi k’o 18 chi ch’ich’ xuquje’ jo’ob’ kejach’ich’ xkichap loq. Jeri’ xkiriq 28 chi k’aqb’alil, 34 chi tolvas xuquje’ 490 ub’aq’ k’aqb’alil.
Rumal ri’ eri q’atb’al tzij sib’alaj xkisik’ij ri winaqilal rech xkiq’alo rech kakinimaj ri taqanem tzij rech kek’oj pa joremal ri’.