Eri PNC xuya’ utzijol ri nab’e taq xechapataj loq pa tzukunik katajin pa taq tinamit pa we amaq’

 

Pa nab’e ya’el utzijolil xya’taj ub’ixik che e k’o kajib’ winaq xechapataj loq rumal jalajoj b’anoj k’ax kumal ri’, eri k’ax xkib’an ri’ are reqaxik k’aqb’alil maj pa usaqil, ri marihuana xuquje’ oxib’ k’aqb’alil ri xk’am b’i kumal ri tzukunelab’ rech ajchajil tinamit.

Eri xraqataj ri’ are wa’ xya’taj ub’ixik kumal ri tzukunel rech ri Subdirección General rech Investigación Criminal (SGIC), rech ri Wokajil Ajchajil Tinamit (PNC) ri xb’an pa le 46 chi b’anoj tzukunik pa komon ruk’ ri Ministerio Público, ri xb’antaj pa le taq tinamit rech Jutiapa, Chinab’jul, Jalapa, Izabal, Escuintla, Santa Rosa, Baja Verapaz, Retalhuleu xuquje’ pa Iximulew, are rech taqim uraqik ri q’alajisab’al b’anoj k’ax ri’, rech uya’ik uchuq’ab’ ri b’anoj tzukunem chi rij wari’.

Pa jun chi ke ri tzukunik xb’antaj kumal ri reqa’lenel ri comisaría 16, pa le Manzana M, sector 2 rech ri colonia Margarita Cinco, pa Ciudad Quetzal, San Juan Sacatepéquez, chi’ xchap wi loq jun achi ub’i’ Antony Oswaldo Sic Citalán 26 ujunab’, k’o jun ch’awib’alil releq’am xraqataj ruki’, pa le 11 rech octubre rech ri 2019, rumal ri’ xk’am b’i pa q’atb’altzij chi rij wari’.

Pa jun chik b’anoj tzukunik eri (SGIC) rech ri departamento rech Investigación rech Delitos Financieros xuquje’ Económicos, pa komonchak ruk’ ri Ministerio Público, pa le condominio Jardines rech San Cristóbal zona 8 rech Mixco, chi’ xkichap wi jun achi ub’i’ Oscar Fidel Castillo Valenzuela, 44 ujunab’, kab’ixik rumal k’o poq’san pwaqil maj pa usaqil xub’ano, rumal ri’ xtaq loq uchapik pa le 22 rech noviembre rech ri junab’ 2019, rumal ri’ Q’atb’altzij rech Q’atel Awan Kunb’alil xuquje’ rech q’atel k’ax che juyub’ tinamit rech Iximulew ri’.

Pa Jalapa ri’

Eri q’atb’altzij rech ajchajil tinamit xkiya’o ub’ixik che pa le jo’ob’ b’anoj tzukunik, xb’an pa Jalapa chi’ xchapataj wi loq jun achi’ ub’i’ Brannd Antony Salazar Bonilla 19 ujunab’ kab’ixik are xtaq loq uchapik ruma ri Q’atb’altzij rech pa tinamit ri’, pa le 20 rech enero rech pa junab’ ri’, rumal ri b’anoj kamisanik ri’.

Rumal k’ut kab’ixik eri jun achi ri’ are xukamisaj jun chik winaq pa le tinamit ri’ pa le 10 rech enero che k’aqb’alil ri’.

Pa jun chik b’anoj tzukunik pa tinamit ri’ xraqataj wi loq keb’ chi k’aqb’alil xuquje’ jun raqarik k’aqb’alil, pa jun chik ja k’olib’al xraq wi loq jun alaj k’aqb’al rech kamisanik.

Pa k’isb’al, eri Robin Antonio Guite Hernández, 19 ujunab’, ri are kab’ixik xchapataj loq kumal reqa’lenelab’ ri comisaría 12 xuquje’ kumal rajtzukunel ri SGIC, pa jun chik b’anoj tzukunik pa komonchak ruk’ ri Ministerio Público, pa le colonia Las Vacas zona 16, xraqataj wi loq 41 chi k’olib’alil ruk’ Marihuana, jun tub’ub’al, ruk’ jun uxaq wuj ri tz’ib’am wi kib’i’ ri kajach wiri’, ruk’ keb’ ch’awib’alil rech eqam xuquje’ ruk’ Q. 670 chi pwaqil b’otolik are rajil ri k’ayin awan kunb’alil ri’ xraqataj ruk’.

Alerta de Corrupción

Ultimas noticias