Eri Q’atb’al Tzij rech Chajinem ruk’ ri CPN xkijuch’u ri chomab’al rech chajinem pa taq ri uchi’ palow

We junamachak ri’ kuya’ jun utzalaj k’exow pa le ucha’ik ri chajinem xuquje’ ri uq’atexik ri nima’q taq itzelal pa taq ri tinamit.

Eri Iximulew k’o pa jun utzilaj k’olib’alil rech ri b’anow k’ayij pa taq ri amaq’ib’, rech rech ri uch’ab’exik ri k’ayib’al  pa ronojel uwach ulew, xuquje’ rech ri uk’iyisaxik pa taq ri k’olib’al ch’ich’ jukub’ ri’. Pane’ jeri’, we jun nim k’ayij ri’ kuk’am loq jun nim k’axk’olil che ri uchajixik ri tinamit, rumal che ri molaj b’anol k’ax taq winaq ri’ kikikoj kichuq’ab’ rech kikikojo we utzilaj taq b’e rech k’ayij ri’ che ub’anik ri kimak xuquje’ ri itzel taq kichak po’yib’al ri’.

Rumal wa’, eri uya’ik ri jun Nimala Wuj rech Tob’anik chi kuxo’l ri q’atb’al tzij rech ri Nimalal K’amal B’e rech Chajinem pa Amaq’ (MINGOB) ruk’ ri Molaj Chajinem rech taq Tak’alib’al Jukub’ pa taq Palow (CPN) k’o jun utzilaj uk’exik kub’an che ri utzukuxik ub’eyal ri tob’anik ukowirisaxk ri chajinem pa taq tak’alib’al jukub’. Xuquje’ ri kuto’o na ri uk’olik ri chak rech katzukuxik ri ub’eal ri tob’anik, ri ilonik xuquje’ ri ujachik tzij chi kuxo’l ri keb’ taqawokaj chak ri’.

Eri nim ajpor rech ri Q’atb’al Tzi rech Chajinem pa Amaq’, a Marco Antonio Villeda Sandoval, ri xk’amow uwi’ ri utz’ib’axik ri k’ulaj tzij, xub’ij che we wuj ri’ k’uto’o rech k’o nim uchuq’ab’ ri solinem tzij, rech uch’ob’ik reta’maxik ri k’axk’olil xuquje’ ri utzirisaxik ri tob’anem pa komon chi uwach ri k’ax ri kub’an k’axk’olil. “Ri uchajixik ri k’olib’alil jukub’ xuquje’ ri uk’iyisaxik ri pwaq man e keb’ taj e taqimaj ri k’o pa kaq’ab’ kib’, xa’ e komon patan rech kakito’o kib’”.

“Are chi’ ri molaj taqawokajil e k’amal b’e kakik’utu ri tzijob’el k’o usaqil, ruk’ ri k’o pa kaq’ab’ rech uya’ik uq’ij taq ri chakub’al, eri Amaq’ ri’ k’o nim ukowimil che ub’ixik ri ub’eyal ri’. Jun kub’al t’uyul che uchi’ palow k’o utob’anik ub’anob’al ri uk’ayib’al pa saqilal ri’, kuya’o uchuq’ab’ pa le uk’aslem ri amaq’ tinamit”, xcha’ ri K’amal b’e Q’atb’al Tzij rech chajinem pa uq’ijilal uk’u’x uchajinik pa amaq’ tinamit”, xcha’ ri k’amal b’e q’atb’al tzij rech Chajinnem pa Amaq’ ri’.

Nim k’amawen ib’ rech utzilaj chak

Eri a Leonel Molina, nima k’amal b’e rech ri CPN, sib’alaj xub’ij chi k’o nim upatanib’al we uwach chakub’al ri’ rech kutaqej, kukojo xuquje’ kub’an ri komon chak chi kuxo’k ri q’atb’al tzij ruk’ ri k’ayij chak, ri sib’alaj rajawaxik sri chajinem ri taqanem rech ri chajinik p ataq ri k’olib’alil ri jukub’ uchi’ palow ri’. “Chaqe uj are jun nimalaj ki’kotemal kujkowinik kujtob’an pa we k’ak’ ilob’al rech ri chajinem pa taq ri k’ulb’a’til ri tajin kutaqej wa’ ub’anik ri ministerio ri’”; xcha’.

Rumal wa’ eri viceministro rech Antinarcóticos, a Víctor Cruz Reynoso, xuch’ob’ ub’ixik che we jun chakub’al ri’ are kuya’o uchuq’ab’ uya’ik uchuq’ab’ ri ub’eyal tzijob’elil ri’, rech ronojel ri jastaq kopan loq pa le wokajil k’olib’al taq jukub’ rech pa uwi’ palow pa tinamit ruk’ taq ri kuk’olib’al jukub’ ri e’ajchoq’e rech k’ayib’alil”, xcha’.

Taqanik rech ronojel uwach ulew

Eri k’ulb’al tzij chomab’al ri’ man xaq xuwi taj kuya uq’ij rech utzijob’exik ri eta’mab’alil chi rij taq uchapik ri k’ak’ kemechakub’al, xane’ rech kub’an ri nimaq’ taq tijonik ri k’i taq uwach ub’anikil chak ri’, rech kakik’am kib’ jalajoj taq molaj ajchakib’ rech kub’al k’u’x ub’anik ri chajinem pa taq ri uk’olib’al jukub’ rech ronojel ri qatinamit.

Ruk’ b’anow komon chakunem chi kuxo’l taqawokajil, rech kanimaxik taq ri taqon tzij jacha ri k’o pa le Wujib’al rech Nim Taqanik rech Chajib’al uk’olib’al ri Nima’ Jukub’ xuquje’ ri uk’olib’alil Jukub’ uchi’ Palow ri’ (PBIP), are jun taqanik ri kuya retal ri chajinem pa ronojel ri uwachulew rech ub’anik ri kub’al k’u’x chajinem pa taq k’olib’al nima jukub’ kuk’ ri jukub’ pa uwi nimaja’ palow.

Noticias Recientes