Eri Consejo Nacional rech Administración rech Jastaq Meb’il kaq’ax pa uq’ab’ Q’atb’al Tzij Amaq’ (Conabed) xub’an ri ulajuj riqon ib’ pa uk’u’x chomanem rech 2026 xb’an pa le Salón Mayor rech ri Ministerio rech Gobernación, chi la’ k’ut xb’an wi ub’ixikiil pwaq xkoj pa le chak pa ik’ septiembre, ri xk’ex chi re xuquje’ ri uchi’ pwaq xkoj chi rij, ruk’ ri ub’eyalil ri Ch’ajcholchak pa junab’ rech Auditoría 2027 ri’, rech kataqixik ya’ik uchuq’ab’ usolixik xuquje’ ri uchajixik pa jikomal ri ukojik taq ri chokonsab’al ri’.
Pa le riqon ib’ chomanem xb’an rilik ri pwaq, ri k’olib’al pwaq xuquje’ ri tz’ib’anem ruk’ ri Solinik Tzij chi rij taq b’anow chak pa taqawokajil xuquje’ri uchajixik ri jastaq meb’il ruk’ ri chakub’al kakoj rumal ri Secretaría Nacional rech Uq’atik tzIJ pa uwi’ ri Jastaq Meb’il Kaq’ax pa Uqab’ Amaq’ ri ub’i’ kab’ixik (Senabed).
Le riqon ib’ chomanik ri’ xnab’ejsaj rib’ che ub’anik rumal le ukab’ k’amal b’e Amaq’, al Karin Herrera, ruk’ le ropanik le Ministro rech Gobernación, a Marco Antonio Villeda; le ministro rech ri Defensa Nacional, a Henry Sáenz; le ministro rech Finanzas Públicas, a Jonathan Mencos, xuquje’ ruk’ le nim q’atol tzij rech ri Corte Suprema rech Justicia (CSJ), Claudia Paredes ri’.
Xuquje’ xek’oji le Nim Ajtz’ib’ rech ri Senabed, al Gloria Guillermo; le procurador general rech ri Amaq’, Julio Saavedra, y la fiscal general rech ri Ministerio Público (MP), Bonnie Ávila, ri xkik’amo ub’e tzij chi rij ri pwaq xuquje’ ri chakunem xutzijox pa le riqonem ib’ chomanik.