Pa konojel e k’o 510 chi alab’om alitom, ri k’o18 pa 24 kijunab’, rech taq ri 75 chi uq’ab’ tinamit, xk’is ri katijoxik pa le Programa Nacional rech Servicio Cívico rech Educación Vial 2026, are chi’ xetijox chi rij reta’maxik rech kechakun che promotores ri’ xuquj’ rech kakitzijob’ej kuk’ taq ri winaqil pa komon chi rij taq uq’atexik ri riqon k’ax pa taq nimab’e xuquje’ rech pa suk’ilal kewa’kat pa taq le nimab’e ri’. Eri b’anowem ri’ xtz’apix uwach pa le Parque Erick Barrondo, pa le zona 7 rech uk’u’x nimatinamit.
Eri cholchak ri’, tajin ub’anik wa’ rumal le Ministerio rech Gobernación (MINGOB), pa reqale’nib’al upatan ri Departamento rech Tránsito rech ri Wokajil Ajchajil Tinamit (PNC), utaqim utoq’axik rech kek’oji ri winaqilal kuk’ ri e q’apoj ab’om alitom pa ub’anik ri tijonem, ri pixab’nik chi rij q’ateb’al riqon k’ax pa taq nimab’e.
Pa taq ri tijonik ri’, eri e tatab’enelab’ xkib’an uchakuxik wa’ kuk’ ri winaqilal xuquje’ xeno’jixik xepixb’anik, chi ke taq ri winaqil chi rij taq uq’atexik riqon k’ax ri’, rech qas kanimaxik ri k’utb’e rech taq nimab’e xuquje’ pa jikomal b’a’ ri wa’katik pa taq nimab’e pa tinamit ri’.
Pa le utzij xub’ij, eri taqanel rech ri Departamento rech Tránsito rech ri PNC, Carlos Fuentes, sib’alaj xub’ij che ri uq’ab’ taqawokajnem ri’, k’o chik 12 junab’ katajin ub’anik wari’, eri kacho’ik ri ab’om alitom rech xetijoxik pa le choltijonem ri’. Jeri’ eri cholchak ri’ kub’an katijoxik ri suk’ taq winaqil xuquje’ kuya kachuq’ab’ ri ab’om alitom pa le k’amow ub’e patan ri’.
Eri Fuentes ri’ xuquje’ xuya uq’ij ri eqale’n chak kuk’ ri winaqil rech ri servidores cívicos, ri kakik’am b’i ri eta’mab’al xkik’am ri’ rech kakitzijob’ej chi ke ri komon winaqil pa le ya’ltzijol ri’, eri uq’ij ri tijonik ri’ xuquje’ ri pixab’nik rech kanimax retalil taq ri k’utb’e ri’.
Pa le b’anowem ri’ xk’oji ri subjefe rech ri Departamento rech Tránsito, Osman Esquivel, kuk’ taq ri q’atb’al tzij rech ri Ministerio rech Gobernación.
Ruk’ uk’isik katijoxik ri jupuq eqa’lenelab’ ri’, eri Ministerio rech Gobernación kuya uchuq’ab’ ri b’anow tijonem xuquje’ ri q’ate ‘al k’ax pa nimab’e, pa le kitatab’enik ri ab’om alitom ri ketob’anik rech pixab’enik xuquje’ rech pa suk’ilal kewa’kat ri winaqib’ pa taq ri nimab’e rech ri amaq’ tinamit.