Le nim Chomanik ub’i’ “Uya’ik k’aslemal ruk’ chajinik, Uwokik Utzilal Chajinem” xub’an jun k’olib’al rech katzijob’ex ri na’oj k’aslemal xuquje’ chi kij ub’anikil ri pataninelab’ nimaik pa tinamit rech taqawokajilal e rech ajchajinem, suk’umalil xuquje’ ri tob’al kib’ winaqilal, ruk’ utaqixik ri ub’anik ri chajin ib’ ri’ pa taq q’ateb’al k’ax xuque’ ri utzilal chajinem pa Iximulew.
Pa le riqonib’al ri’, xb’an kumal ri puq ajpatanel rech ri Unidad rech Género, K’iyal Tzij Ch’ab’al, Ab’om Alitom xuque’ Ak’alab’il rech ri Ministerio rech Gobernación (MINGOB), xuquje’ are la’ xuya uchuq’ab’ ri tzijob’exik xuquje’ ri komon winaqilal ajchomanelab’ rech ri pa komonchak kechakunik rech kub’isaxik kachajixik ri winaqilal, ri nimanem chi rech taq ri ya’tal chi ke ri winaqib’.
Eri viceministra rech Prevención rech ri Violencia xuquje’ ri Delito, Mayda De León, ri xk’amow b’e rech ri nimalaj riqob’al ib’, xub’ij chi k’o nim upatanib’al rech kakub’isax unimaxik ri chajin ib’ pa taq kachoch ri winaqilal e achalalil, jacha pa komon winaqilal xuquje’ pa taqawokajil. Xuquje’ eri al De León sib’alaj xub’ij che ri utzilaj chajinem rech ri tinamit kuya uchuq’ab’ uya’ik junam uq’ijol ri ixoq chi uwach ri achi xuquje’ uq’atexik ri k’ax k’aslemal pa le amaq’ tinamit.
Rumal ri’ eri k’amal b’e rech ri unidad, al Linda Alay, xuq’alajisaj ri tasb’al k’olib’al pa uwi’ ri ya’talil ri chajinik, ri uq’atexik ri ka’x k’aslemal xuquje’ ri utzilaj jikomal pa taq ri tinamit. Xuquej’ xub’ij we man k’ot chajinik, ri k’olib’al ech tob’anik kaqaj uchuq’ab’ xuquje’ kanimarisax ri k’ax ruk’ ri elaq’ chi ke ri ixoqib’, el taq alitomab’, ri ak’alab’, rech keto’ik pa taq ri tasb’al le rilik ri b’anow k’axk’olil.
Pa le uq’ij b’anow ri chomanem ub’i’ “Le chajin ib’: kow ub’anik ri utzilaj chajinem pa tinamit”, chi la’ k’ut xk’oji wi ri viceministra rech Protección Social rech ri Ministerio rech Desarrollo Social (MIDES), al Bertha Zapeta, xuquje’ al Katherine Castillo, ajchomanel rech ri Secretaría Técnica rech ri Consejo Nacional rech Seguridad (STCNS) ri’.
Xuquje’ k’o jun jupuqil ajpatanel xkojik rech kuya uchuq’ab’ ri upatanil ri taqawokajilal xuquje’ rech kilik jawi’ k’o wi ri ya’talil rech kab’a ri utzilaj chajinem pa uwi tinamit. Chi ke taq ri kachomaxik are chi rij ri chajin ib’ xuquje’ ri ya’talil le jun jikomal k’aslemal maj ruk’ k’ax ri’, eri ya’talil chi ke taq ri ixoqib’ xuquje’ ri chajin ib’, jeri’ chi rij ri chak b’anom pa taq rulewal tinamit pa chajin ib’ xuquje’ ri uzilaj ya’olchajinem pa tinamit.