Pa jalajoj taq k’olib’em pa qatinamit, eri reqa’lenelab’ ri Wokajil Ajchajil Tinamit (PNC), pa komonchak ub’anik kuk’ ri reqa’lenelab’ ri Wokajil Ajchajil Amaq’ Iximulew, pa nab’e q’ij rech diciembre kanoq xkimaj loq ub’anik ri chajinem winaqilal, rech uq’atexik ri b’anoj taq k’ax xuquje’ rech q’atenik ri b’anoj k’ax chi ke ri winaqil e aj iximulew ri’.
Eri q’atb’al tzij e taqanel rech ri chajinem tinamit xkikoj pa komon ri’ xkikoj K’olib’alil Chajinem pa Wokajilal pa taq ub’e’al kiq’axenik winaq pa taq ch’ich’ ri’, rech kilik we man e k’ot winaq taqom kichapik ri’, rech maj jun winaq kuq’axe’j tane’ b’i jastaq pa usaqilal xuquje’ ri ch’ich’, kejach’ich’ che ri xa’ eleq’am ri’.
Xuquje’ sib’alaj e k’i e ajchajil tinamit ketajin pa chajinem ri’ e k’o che kaqan kewa’katik xuquje’ chi rij kejach’ich’ kakib’an ri chajinem, pa uk’olib’alil xuquje’ chi rij taq nimak’ayib’al, chi rij taq rachoch pwaqb’al ja, pa kitak’alib’al ch’ich’, pa uk’olib’al k’ayinem, pa plazas financieras, pa cajeros automáticos xuquje’ pa taq k’ayib’alil, chi la’ k’ut che ri qas keriqitaj wi winaq che b’anoj loq’oj pa k’isb’al junab’ ri’.
Chajinem Tzukunik pa taq nimab’e
Pa le b’anowen ri’, eri reqa’lenelab’ ri Departamento rech Tránsito rech ri PNC, sib’alaj ketajin che b’anoj tzukunem pa taq nimab’e, rech kakilo we k’o pa ucholajil kiwujilal ri e ajb’inisal ch’ich’ ri’, we kakinimaj ri retal b’anoj wa’katem pa taq nimab’e, rech man kakirumumij ta kib’ ri’ xuquje’ rech katijom ta tzam kakib’inisaj ri kich’ich’ ri’.
Xuquje’ rech kakilo we man titz’om ta b’i winaq pa taq le ch’ich’ ri’, xuquje’ rech kakilo we ketajein che unimaxik tzij rech kakib’an kuwenta kakisolkopij ta kib’ pa taq nimab’e xuquje’ rech we kakinimaj ri Taqanem rech K’utb’e pa Nimab’e ri’.
Eri b’anoj taq tzukunem chajinik ri’ are la’ tajin ub’anik jacha k’o pa le Choltaqanem ub’i’ Plan Operativo 39-2022 Chajinem rech pa Nimaq’ij Alaxib’al xuquje’ pa K’isb’al Junab’, taqom ub’anik rumal ri Wokom Taqanelab’ rech Iximulew pa le upatanem rumal ri Ministerio rech Gobernación (Mingob) ri’.