Eri taqawokajnel rech ri Ministerio rech Gobernación (Mingob), Byron René Bor Illescas ruk’ ri Segundo Viceministro Administrativo, Otto René Gómez Soto xuquje’ ruk’ ri Quinta Viceministra rech Antinarcóticos, Dana Barillas xuquje’ ruk’ ri Procurador General rech ri Nim Amaq’il, Wuelmer Gómez ri’. xkiriq kib’ rech xechomanik pa 16 rech noviembre ri’ pa le rachoch ri MP, zona 1 uk’u’x nimatinamit.

Eri runimal tzij xchomaxik are pa komon chakunem kuk’ ri wokajilal che ri ketatab’enik pa le taqonatzij, jeri’ pa ujachik ub’ixik ri pwaq xsachik pa uchakunik ri Comisión Nacional rech ri  Seguimiento xuquje’ ri Apoyo rech ri Fortalecimiento rech ri Justicia (CNSAFJ), xuquje’ ruk’ uk’utik jun k’ak’ ub’e’al uchakuik ri Comisión ri’ rech ya’ik uchuq’ab’ ri patan suk’umalil pa tinamit.

Xuquje’, eri q’atb’al tzij xkich’ob’ rij rech katoq’axik ri b’anonem rech expertaje kasolixik ri ch’ich’ ri’ che ri xjach rumal ri reqa’lenel chakunel ri  Consejo Nacional rech Administración rech Bienes pa  Extinción rech Dominio (CONABED) ri’, e are ri’ kakilo ub’anik ri tzukno’jchak rumal ri q’atb’al tzij.

Pa k’isb’al, eri q’atb’al tzij xek’oji pa le uch’ob’ik uterenb’exik chomanem ri’ katerenb’em ri cholchak rech ilonem kojem tzij pa wokajilal ri’, rech upatanexik, rech uq’axexik ri awan kunab’al, rech k’o q’atb’al tzij chi rij, rech kab’an usolib’al ri’ xuquje’ rech kaporox ri awan kunab’al, ri riqom kumal ri Amaq’ilal Nimatinamit rech ri Convención Interamericana chi rij Asistencia Mutua pa Materia Penal ri’. Are wari’, rech katoq’axik uya’ik ri tob’anem pa Iximulew are la’ kuya’o jun nim tob’anik chi ke ri nimatinamit amaq’ilal ri e k’o pa le jun Nim Convención ri’ rech uporoxik uwach ri awan kunab’alil pa juntir.