Eri ub’e’al chajinem q’atenik xtaq ub’anik rumal ri K’amal b’e Amaq’ Alejandro Giammattei ri’ xuquje’ ri xtaq ub’anik rumal ri Ministerio rech Gobernación kuk’ ri Wokaj Ajchajil Amaq’ Iximulew, pa we q’ij kamik domingo 16 rech octubre ri’ xq’atexik kib’e jun jumulaj chi winaqil e ajq’axel pa Amaq’. Eri jumulaj winaq ri’ e k’o 300 ri’, ri kimajom kib’e rech maj kiwujilal keqam tane’ ri kitaqim loq ri frontera El Corinto ri’, chi uxo’l Honduras ruk’ Iximulew, chi la’ pa Izab’al ri’. Eri reqa’lenel ri Wokaj Ajchajil Tinamit (PNC) xuquje’ ri ri wokaj ajchajil Amaq’ xetaq pa le b’e chi la’ rech xeq’ataxik chi la’.
Eri Ministro rech Gobernación, David Napoleón Barrientos, xub’ij che ri q’atenik kumal ri e ajchajil tinamit ri’ are xkib’an ri’ ruk’ unimaxik ya’talil chi ke ri’ jacha kataqon wi ri taqanem ri’. rumal ri’ are xb’an toq’ob’ rech xeto’ik ri’. Xuquje’ sib’alaj xekunaxik ri winaqil pa ri’j winaq xuquje’ pa ak’alab’ ri’.
Rumal ri’, eri taqawokajnel xub’ij ri’ che ri taqim ri’ are kaq’atexik ri nik’aj molaj b’anol k’ax che ri kakikoj pa ch’ijom k’ax chak ri winaqil. Rumal ri’ tajin q’atenik kuwach ri’.
Pa k’isb’al ri’, eri taqawokajnel rech Ya’olchajinem pa Amaq’ xub’ij che ri K’amal b’e Amaq’ rech iximulew sib’alaj xk’ub’isaj kasik’ixik ri q’atb’al tzij rech pa rulewal tinamit ri’, rech junam b’a’ pa ub’anik ri kachomaxik ri winaq e ajq’axel ri’.
Eri k’olib’al Ya’olchajinem pa Taqawokajilal ri’
Are rech b’a’ xb’antaj unimaxik we Cholchak Puqchajinem ri’ are xkoj julajuj (11) chi K’olib’alil Ya’olchajinem pa Taqawokajilal pa k’ulb’a’t juyub’ amaq’il ri’ xuquje’ pa taq nimab’e rech pa qatinamit. Pa taq le k’olib’em q’axenik ri’ keriqitaj wi ri ajchajinelab’ rech ri taqawokajilal ri’.
Eri rajchajinelab’ ri taqaokajilal sib’alaj ketajin che kito’ik ri winaqil che ri keqam kiwujilal pa saqil rech keq’ax b’i pa we Amaq’ xuquje’ sib’alaj xkoj e ajilonel chomanel ri’ rech b’a’ k’o pa ujikomal kiq’axenik ri’.