Are rech b’a’ katajin resaxik ketalil tz’ib’am kumal taq pandilleros rech ri Barrio 18 xuquje’ ri Mara Salvatrucha’, qaraj e k’o e 20 chi eqa’lenelab’ rech ri Subdirección General rech Q’atel b’anoj k’’ax rech ri Wokajil Ajchajil Tinamit (SGPD-PNC), xkikunaj rij keb’ ja k’olib’al xuquje’ keb’ nimaq’ uwo xan ri tz’ib’atal rij kumal e b’anol k’ax ri’ ri are kuya’ jun itzel k’utb’al ilob’al chi ke taq ak’alab’ ri’ xuquje’ e q’apojil rech El Milagro, Concepción, Sacojito, Chinautla xuquje’ San Francisco Mixco ri’.
Eri Q’atol tzij k’amal b’e rech Q’atel b’anoj k’ax ri’, Erick Tórtola, xub’ij che xtaq loq ub’ixik rumal ri K’amal b’e Amaq’ Alejandro Giammattei, are katerenb’ex ukunaxik pa tinamit ri’, “rumal wari’ kojtajin k’ut che kakunaxik keb’ ja k’olib’al che ri xtzaq kanoq kumal e ajchoq’e pa Villas del Milagro, zona 6 Mixco, ri xya’taj loq ub’ixik che xtoq’ax pwaq chi ke rumal ri’ xeb’e pa jun k’olib’alil ri’”.
Xuquje’, xkikunaj pa le Concepción, Sacojito, zona 10 rech Chinautla, chi’che ri k’o tz’ib’am wi kanoq kumal nik’aj pandilleros rech ri barrio 18, ri xchupisaxik chi’ kumal e ajchajil tinamit ri’.
Pa k’isb’al, xb’antaj kowinem saqab’isax chi’ pa jun k’olib’al jamal ri’ pa le San Francisco, zona 6 rech Mixco, chi’ k’u ri’ eri pandilleros rech ri mara 18 chi’ qas xkitz’ib’aj wi rachib’al itzel b’anoj k’ax kumal.