Eri k’amal b’e rech ri Sistema Penitenciario, Luis Rodolgo Escobar, xuya’ ub’ixik ri’ tajin b’a’ pa katasik ri e tz’apil pache’ ri’ chi rij ri k’ax kib’anom ri’, are rech taqim kasuk’umaxik rech ketzalij chik pa taq kachoch ri’.
“Kojtajin che rilik b’a’ ri b’anoj k’ax kib’anom ri’, are rech pa katasik kab’an ri’ rech kilik chinaq e tz’apim chi’ rech jo’ob’ junab’ ri’ xuquje’ chinaq tz’apim ri’ rech pa jo’lajuj junab’, chi rij ri’ kasuk’umaxik kab’anik pa taq le cholchak rech kesuk’umaxik pa kaq’ijol ri’ xuquje’ chi ke ri k’o jo’lajuj pa juk’al junab’ are q’ijol ri’kanajtib’ jun winaqi che utojik pache’ ri’”, xcha’ ri Escobar.
Eri e ajpache’ ri’ e k’o pa taq le cholchak rech tijonem ri’ xuquje’ e are ri’ kasolixik kuwujil rech kilik we k’o pa retal kekoj pa tojb’al mak ri’ rech kisuk’ub’am kib’ chik ketzalij pa taq kachoch.
Xuquje’ rech kilik wexa’ kechakunik wene’ k’o kakitijoj kib’ chi ke ri’. Rech jewa’ ri’ kachomaxik kab’an ri’.
We kamik ri’ solim chik uwach kuwujil qaraj e k’o e 2 mil 500 chi e ajpache’ che ri qaraj ke’ok pa le suk’umanik chi ke ri’.
Pa Iximulew k’o 21 chi Japache’ ri’ kech achijab’ xuquje’ kech Ixoqib’ ri e utz’apim ri’ qara e k’o 26 mil chi e ajpache’ ri’.