Eri DIPRONA pa le jo’k’al chak b’anom rumal ti taqawokaj ri’ k’o chik 65 chi awajil e resam loq pa k’ax

 

Pa le nab’e jo’k’al q’ij rech chak b’anom rumal ri taqawokaj ri’ eri reqa’lenel ri Wokajil Jachakunb’al rech Chajinik che ri K’ache’al (DIPRONA), rech ri Wokajil Ajchajil Tinamit (PNC), e k’o k’i awajil kesam chik pa k’ax ri’, ri xkikunaj, xkib’an utzil che, xkiya’o uk’olib’al, xkitzuqu xuquje’ pa k’isb’al rech xkitzoqopij b’i qaraj e k’o 65 chi awajil jalajoj kuwach pa konojel.

Eri Sub Comisario xuquje’ Taqanel rech DIPRONA, De La Cruz Hernández, xub’ij ri’ chi ke taq ri awajil xkesaj pa k’ax ri’ are ri awan ketu’nik, ri Tz’ikin kerapapik xuquje’ kuk’ nik’aj chik chi ke ri’ e k’o keb’ amk’o, jun k’o koq’ik, keb’ kej, keb’ tewtz’i’ kutij sanik, jun tewtz’i’ kutij ukab’il us, jun utiw, jun par chajchoj, xuquje’ jun alaj b’alam, oxib’ k’ix aq’, jun alaj k’o koj, jun kux xuquje’ jun uch’.

Xub’ij ri’ chi ke ri tz’ikin xeto’taj kumal e k’o kajib’ ti’t k’el, jun Q’anano’s Americnao, kuk’ nik’aj xik’ jalajoj kuwach, jun kot, jun xik, keb’ k’el xarkijolom, keb’ k’el q’an keka’yik, keb’ xoch’, kuk’ nik’aj chik tz’ikin ri’, kuk’ jo’ob’ tukur, keb’ nima’q no’s, pa k’isb’al xub’ij, De La Cruz Hernàndez, xuya’ ub’ixik ucholaj che ri e k’o kajib’ nima’q kumatz’, oxib’ ayin, lajuj o’on, k’o jun nim ixpa’ch, jun nim ayin xraqataj ri’.

Jas katzoqopaxik xb’an b’i
Eri taqanel rech DIPRAFRONT xub’i che k’i ub’anikil kesaxik pa k’ax xb’antaj ri’, are wa’ xya’ utzijoxik chi ke ri winaqil e aj iximulew ri’ rech kakib’ij loq che ri xeraqataj wi kumal ri reqa’lenel ajchajinel chi ke ri’, rech k’o k’i b’anoj tzukunik xkib’an chi ke ri’.

“Aretaq xe’esax pa k’ax ri’ eri awajil ri’ aretaq xeraqik xek’am b’i pa le rachoch ri q’atb’atlzij k’o naj panoq rech ri Consejo Nacional rech Àreas Protegidas (CONAP) ri’ chi’ kek’am b’i wi kumal ri DIPRONA che ri keraqataj naqaj chi ke ri’”, xcha’ ri taqanel rech DIPRONA ri’.

Alerta de Corrupción

Ultimas noticias