Eri tijob’al kech ajchajil tinamit reye’ chik kumaj b’i b’anoj tzijonem ri’

 

Pa ronojel ri’ k’o 2 mil 500 chi etok’al pa ukajtzalajil pa le k’ak’ ub’anikil kak’oji wi ri rachoh ri k’o oxib’ upam kab’an ri’ che ri kayak wi ri k’ak’ rachoch ri tijob’al kech e ajchajil tinamit (PNC), pa le uchakuxik ri k’ak’ ch’ob’otal chak ri xtaq loq ub’anik rumal ri K’amal b’e Amaq’ Alejandro Giammattei pa le nab’e jo’k’al q’ij chak chik ub’anik ri taqawokaj pa amaq’.

Chi ke wari’ eri Upam Nimaja ri’ rech 130 chi winaqil, k’o nimaja’ rech jachakunb’al, k’o upam nimaja rech kab’an wi tijonem ri ke’uq’i’o 32 chi e ajtijoxel ri’, k’o upam nimaja rech ke’il wi kaminaqib’ xuquje’ k’o upam le nimaja rech b’anoj tzukno’jchak chi rij k’ax kamisanik, k’o upam le nimaja rech kewar wi 40 chi ixoqib’ xuquje’ 108 chi achijab’, k’o upam nimaja kak’oji wi le b’anb’al k’amq’aq’nil, jun chik kak’oji wi ri nim uk’olib’al ja’ 17 mil 500 galones rech ja’ ri kasuk’umaxik.

Eri k’ak’ nimaja kayak ri’ are ruk’ utob’anik ri agencia rech Cooperaciòn Internacional rech Corea (KOIKA) ruk’ wa’ rech kaya’ uchuq’ab’ kaq’atexik ri e ajb’anol k’ax, xecha’ ri q’atb’altzij rech ajchajil tinamit.

Xuquje’ k’o uchokonsab’al rech k’ak’ no’jchakunem rech katijon chi rij 17 uwach b’anoj tijonem pa le PNC ri’.

Chi’ k’u ri’ are kab’an tijonem rech Informàtica, Tzukno’jchak, rech Uq’atexik ri Ciberb’anojk’ax, rech Ya’talil Winaqil xuquje’ rech Uchajixik Ya’talil Winaqil ri’, ruk’ nik’aj chik ri’.

Noticias Recientes