Eri licenciado Edwin Lòpez, Taqanel rech ri Departamento rech Trànsito rech ri Wokajil Ajchajil Tinamit –DTPNC-, xujach pa we jueve ri’ 124 tzijb’al kib’e ri e rajchak rech pa wokajil ri’, are rech ke’uto’o pa le ub’anik ri kichak ri’.
“Eri tzijb’al ib’ ri’ are wa’ uwach taq ri chakub’al xya’taj chi ke le reqa’lenel pa wokajil ri’ xuquje’ are wa’ k’o nim upatan chi ke, pa le chajinik kakib’an chaq’ab’. Eri eqa’lenel ri’ rajawaxik b’a’ k’o kichakub’al ke’ilik kumal ri e ajb’inisal ch’ich’ ri’ aretaq keraqataj pa k’olib’al ya’olchajinem pa taq le nimab’e pa taq tinamit rech pa we amaq’, rech kakito’ kib’ pa le urilik usolixik kuwuj ri’”, xcha’ ri Lòpez.
Rajawaxik b’a’ kana’tixik k’a aretaq xkoj le Taqanem rech Majun kawa’kat ri’ rumal uq’atexik ri jun Itzel yab’il rech Covid 19 pa we amaq’, rumal ri’ eri Departamento rech Trànsito xukoj uk’olib’alil b’anoj ya’olchajinem pa taq le kajib’ nimab’e rech okib’al pa le rulewal tinamit Ixim ri’, chi paq’ij chi chaq’ab’ pa ka’kab’il chi ke ri reqa’lenel chajinem ri’.
“Eri molaj eqa’lenelab’ sib’alaj kechakun pa waqxaqib’ kajb’al pa ronojel taq uk’olib’alil ya’olchajinem pa taq nimab’e, rumal ri’ k’o nim upatan k’o kichakub’al kakikoj pa taq le utz ub’anik kichak ri’. Rumal ri’ xya’taj k’ak’ katz’iyaqb’alil, chakub’al rech kakito’ kib’ xuquje’ rech keq’uyub’ keponob’ wi”, xcha’ ri Taqanel rech Trànsito ri’.
Eri q’atb’altzij kuk’ ri eqa’lenelab’ chajinik e k’o che reyexik kak’is uloq’ik kixajab’, xuquje’ kichakub’al rech pa b’anoj chajinem ri’.