Pa utaqixik ya’el uchuq’ab’ ri chak rech tijonem kumal ri Ministerio rech Gobernación xuquje’ rech taq uq’ab’ilal ri’, we q’ij kamik xk’is ri k’uttijonem chi ke ri’ ub’i’ “Ub’anikil ri Grafotecnia ruk’ ri Documentoscopia” ri’ xb’an pa le rachoch ri taqawokajnem ri’, rumal ri k’amoj ub’e ri Laboratorio rech Grafotecnia rech ri Gabinente Criminalístico ri’ rech ri Wokajil Ajchajil Tinamit (PNC).
Pa le ilb’anem ri’ xk’ut wi ri a Juan Antonio Aguilar Alfaro, Subdirector General rech Estudios xuquje’ Doctrina rech ri PNC ri’; ri Karina León Flores, Coordinadora rech Capacitación rech RRHH xuquje’ ri Aldri Bonilla, Taqanel pa le Sección rech Desarrollo rech Educación Continúa ri’, e are k’ut xkijach ri wujilal rech xek’oji pa le tijonem e 20 chi e ajchak rech ri taqawokajnem ri’.
Rumal ri’ eri coordinadora rech capacitación ri’, Karina León, xub’ij che are taqim pa le k’uttijonem ri’ rech kuya’ uchuq’ab’ kichak ri e ajchak ri’ rech pa le uchakuxik uwach ri wujila ri juch’um uwach xuquje’ ruk’ kachib’al wina qri’, rech uq’atexik ri wujilal xaq esam kachib’al ri’.
Eri Subdirector rech Estudios xuquje’ Doctrina de PNC, xuna’tij ub’ixik che k’o nim upatanib’al rech ketijoxik ri rajchak ri Gobernación ri’, are k’ut kub’an utz che ri kichak kakib’an ronojel q’ij ri’.
Eri subdirección ri’ ke’utijoj pa amaq’el ri e ajchak rech chajin tinamit, rech Gobernación xuquje’ rech taq uq’ab’il chi rij taq jalajoj uwach taq utzilem chi ke ri winaqilal.