Eri chakunja rech Ya’ltzijol pa Tinamit rech ri Taqawokajnem rech Taqachajinik pa Amaq’ pa keb’ q’ij chik katajin che b’anoj k’uttijonem pa uwachwuj k’amq’aq’nil chi ke ri q’atb’altzij rech ri taqawokajil ri’ are rech utaqixik ri b’anoj saqilb’anem patan ri’, chi rij ri upatanib’al ri uya’ltzijol pa tinamit, xuquje’ chi rij ri jaqem rilik tzijol patan ri’.
Pa le k’uttijonem xetatab’enik e 80 chi patanelab’ rechi ri taqawokajnem, chi ke e k’o k’amal b’e, ukab’ k’amal b’e, woksolinel chak kuk’ ri taqanel rech taq chakunja rech ri taqawokajnem pa nimatinamit xuquje’ rech taq uq’ab’il ri’ kuk’ ri e K’amol ub’e taq Tinamit.
Eri k’uttijonem ri’ chi rij ukojik ri «Taqanem rech Oksab’al rilik le Ya’ltzijol pa Tinamit ri’» are xya’taj rumal ri María Graciela Cabrera, Ajtaqanel ri Chakunja ri’, xuquje’ are xwok uwach rumal ri Ajilol taqanel rech Kuttijonem rech ri K’amoj ub’e ri Recursos Humanos, pa unimaxik ub’e’al ri xtaq ub’anik rumal ri Ministro rech Gobernación, Gendri Reyes.
Are wa’ xb’antaj ruk’ le utob’anik ri Cuarto Viceministro rech Tecnología rech ri Tzijolil xuquje’ Tzijob’elil ri’, Aldo René Ordóñez Ugarte, ri xutz’apij uwach ri k’uttijonik ri’ ruk’ nik’aj chik uwachtzijonem, jacha’ ri jaqoj tzijol, ri juch’ k’amq’aq’nil xuquje’ pa le uwachwuj k’amq’aq’nil chanim ukojik pa le Ministerio rech Gobernación ri’.