Eri rajtijoxel ri PNC che ri keriqitaj che katijoxik kib’ pa le Nimatijob’al rech Wokajil Ajchajil Tinamit pa Rulewal Tinamit Chinab’jul, e ajno’jchakunel ri kakaj kenimaj pa tinamit, rumal k’ut e k’o jo’lajk’al chi eqa’lenelab’ pa tijonem ri’, e k’o e ajk’amq’aq’, e ajanel che’, e ajto’b’anel, e ajtijon rech q’ojomab’al b’ix xuquje’ e ajkemal tz’ib’, xcha’ ri Uk’exel K’amol b’e, Fredy Chávez ri’.
“Eri alab’omab’ e ajno’j riqtijonel ri ketajin che reta’maxik chajin tinamit, che q’atol tzij, che na’ojalinelab’ xuquje’ rech reta’maxik solib’sanik ch’akul, rech b’a’ k’o ri kakik’am reta’maxik rech kakikoj pa le jun utzalaj b’anoj nimanem chi ke ri winaqil e aj iximulewal ri’”, xcha’ri Chávez.
Pa le waqlajuj q’ij rech febrero kanoq, e kajq’o’ (1 mil 600) chi e alab’omab’ e aj pa taq tinamit rech pa we amaq’ xkimaj katijoxik kib’, ri xya’taj ub’ixik chi ke che ke’ok pa le oxib’ nimatijob’al ri’ ri k’o rumal ri Subdirección rech Utijob’al xuquje’ Utijonem ri Wokajil Ajchajil Tinamit, ri k’o pa le zona 6, jeri’ ri k’o pa taq le rulewal tinamit rech Santa Rosa xuquje’ Chinab’jul.
Chi ke ri e kajq’o’ chi reqa’lenelab’ chajin tinamit, e k’o jo’lajk’al e ixoqib’ chike ri ke’ok pa uwi’ b’anoj tijonem pa we 2021 ri’, ri kepe pa Chinab’jul, pa Tz’oloja’, pa Xe’laju’ pa Chuwi’ Miq’ina’, pa Xe’laju’ xuquje’ pa Taq’ajil Rulewal ri’.
Rumal k’u ri’ eri K’amal b’e ri nimatijob’al rech Chinab’jul, xub’ij ri’ che are ri jun chi ke ri k’ax xpe ri’ are ri jun itzel yab’ilal rech ri COVID-19 ri’, “kaqaterenb’ej ub’anik ri xutaq loq ub’ixik rumal ri Nima K’amal b’e xuquje’ rumal ri Ministro rech Gobernación xb’an xpatanix ronojel ub’anik ri saqib’sab’al ib’, are wa’ jun nimachak ri’ rech xk’utik che tzij b’a’ kojtajin che kanimaxik ri winaqil kuk’ ri e k’ak’ taq eqa’lenelab’ ri’ che xkik’is uwi’ resaxik katijoxik kib’ ri’”.
Eri q’atb’al tzij rech ajchajil tinamit xkib’ij k’ut che xk’ex uwach nuk’ub’al tijonem chi ke ri e ajtijoxel rech are ke’ok che utzalaj taq e ajno’jchakunel rech chajin tinamit je ri Ya’talil Winaqil xuquje’ rech Ukojik k’aqb’alil ri’.