Eri e oxib’ reqa’lenel ri Wokajil Ajchajil k’ache’laj (DIPRONA) rech ri Wokajil Ajchajil Tinamit (PNC) xe’opan pa le Aldea Abelina rech ri juyub’ tinamit rech San Juan Cotzal, juyub’alil rech Santa Cruz del Quiché, rumal k’ut k’o jun winaq xsik’in loq pa ch’a’wib’al chi ke ri ajchajil tinamit rech xub’ij loq che pa rachoch e k’o keb’ utiw xuquje’ karaj ri are ke’ujach ri’.
Rumal ri’ xchomax ruk’ ri sub Estación rech ajchajil tinamit rech San Juan Cotzal eri e ajk’amol b’e chi’ kakiya’ b’a’ kib’e rech ke’opan pa rachoch ri achi ub’i’ Tomás Marroquín Pérez 21 ujunab’ ri ruk’ ronojel ranima’ karaj ke’ujach loq ri keb’ utiw ri’ le ub’i’ kumal ri ajq’inomal ch’ob’onelab’ Canis latrans, chajchoh kij e mam, ri k’o 50 centímetros kaqan xuquje’ 60 centímetros keyuqub’ ri’, kakitij ti’ij k’o 18 pajb’al kepajanik xuquje’ are wa’ awajil tajin usachik kuwach.
Xuquje’ k’o jun chik ti’t utiw k’o 40 centímetros raqan, 50 centímetros kayuqub’ ri’ k’o 15 pajb’alil kapajan ri’ chajchoj rij, xcha’ri Taqanel rech ri DIPRONA, Edgar de la Cruz Hernández ri’ eri keb’ utiw ri’ pa aninaqil xek’am b’i pa le departamento rech Vida Silvestre rech ri Consejo Nacional rech Áreas Protegidas (CONAP) rech ri tinamit ri’.