Paq’ij 18 rech noviembre ri’ are xb’antajik ri uwaq uwach Encuentro Regional rech ri la Instancia Coordinadora ech ri Modernización rech ri Sector Justicia pa Río Hondo, Zacapa, rech ua’el uchuq’ab’ ri coordinación interinstitucional xuquje’ rech kajachik ri cholchak che ri ch’ob’om chik are kataq ukojik pa Petén ri’ rech k’o pa aninaqil jun chajinem winaqil ruk’ suk’umalil rumal q’atb’al tzij chi’.
Eri riqb’alil ri’ are xk’am ub’e’al rumal ri Quinto Viceministro rech Gobernación, Fernando Rodas ri’; ri rajk’amol ub’e ri Organismo Judicial (OJ), Silvia Patricia Valdés ri’; rumal ri Fiscal General xuquje’ rajtanel ri Ministerio Público (MP), Consuelo Porras ri’ xuquje’ rumal ri Secretario Ejecutivo rech ri Instancia Coordinadora rech ri Modernización Justicia, Héctor de León ri’.
Xuquje’ xek’oji ri K’amal b’e rech ri Instituto rech ri Defensa Pública Penal (IDPP), Idonaldo Fuentes ri’; ri Rajk’amol ub’e ri Instituto Nacional rech Ciencias Forenses (Inacif), Ingrid Romero ri’; ri Rajk’amol ub’e ri Instituto rech ri Asistencia xuquje’ Atención chi kech ri Víctima ri b’anom k’ax chi ke, Mayra Carrillo kuk’ ri Winaqilal xesik’ix chi’.
B’anoj Ub’e’al ri’
Pa le xub’ij ri’, ri Quinto Viceministro, Rodas are xub’ij k’ut che ri Wokom Taqanelab’ Iximulew ri’ pa reqele’n ri Ministerio rech Gobernación (Mingob) are rech b’anoj ri Ub’e’al ri Transformación Policial ri’, are wa’ jun chi ke ri jo’ob’ uwach ri nim b’anoj chakunem ri’, chi ke, k’o ri rech Tijonem, ri rech Wokajilal xuquje’ Uwokob’alil, ri rech Tecnología xuquje’ Innovación, ri rech Controles Internos xuquje’ Infraestructura xuquje’ Movilidad ri’.
Pa junab’ ri’ eri uwach Runimal Cholchak Dignificación Policial ri’, rech xjaq uwach keb’ rachoch tijob’al wa, rech ketzuq wi ri eqa’lenelab’ aretaq e k’o pa chajinem ri Comisarías 11 xuquje’ 16 rech ri Wokajil Ajchajil Tinamit (PNC). Eri cholchak ri’ are rech pa le 2023 are chi’ kab’an nima’q che uwach taq ri sedes policiales rech pa qatinamit, xcha’ ri Quinto Viceministro, Rodas ri’.
Eri patanel ri’ xub’ij che xjach ri’ 1 mil chi kejach’ich’, pa juntir rulewal tinamit, rech are la’ kakoj pa le uq’atexik ri b’anoj k’ax ri’.
Komonchak pa Taqawokajilal ri’
Eri Director General rech ri PNC, Héctor Hernández xub’ij che pa le b’anoj komonchak pa taqawokajilal are terenb’em ub’anik ub’e’al ri cholchak puqchajinem winaqil e aj iximulew ri’.
Eri riqob’al ib’ xb’antajik kumal ri wokajilal rumal ri Instancia Coordinadora rech ri Modernización rech ri Sector Justicia (ICMSJ), pa rulewal Oriente, pa Norte, pa Suroriente, pa Central, pa Suroccidente, pa Occidente xuquje’ pa Petén ri’.