Eri Primer Viceministro rech Seguridad, Carlos Franco Urzúa, kuk’ ri rajpatanel ri Tribunal Supremo Electoral (TSE), Blanca Alfaro, Gabriel Aguilera xuquje’ Ranulfo Rojas xuquje’ ri Taqanel rech ri Q’atb’al tzij rech ri Delitos Electorales rech ri Ministerio Público (MP), Lisbeth Pérez, xkiya reta’maxik ri komonchak pa wokajilal ri’ che ri tajiin ub’anik rech chajnem winaqil rech q’atenik ch’a’ojinik pa uq’ijol kicha’ik k’ak’ q’atb’al tzij pa 2023 ri’.
Eri komonchak ri’ pa qatinamit, are la’ uchomaxik rilik uq’atexik ri b’anoj k’ax ch’a’ojinem pa le uq’atexik pa qatinamit ri’. Rumal ri’ e k’o ri’ 42 mil chi reqa’lenelab’ ri Wokajil Ajchajil Tinamit (PNC) kakib’an ri chajinem pa taq k’olib’em cha’onem, xcha’ ri Viceministro Urzúa.
Eri taqawokajnel ri’ xub’ij eri komonchak ri’ are la’ xb’an panoq nab’e, pa le uq’ijol xuquje’ are ok’owinaq chik ri cha’onem pa qatinamit ri’, are la’ xuya pa retal pa kaq’ab’ ri q’atb’al tzij che ri kiwokom uwach ri b’anoj chajinem q’atenik ri ch’a’ojinem pa Uq’ijol Cha’onem pa qatinamit, rech kakiterenb’ej rilik ri cha’onik ri’.
Ri b’anoj chajinem ri’
Pa le Plan Operativo 05-2023 ri’, are chi’ e k’i ajchajinelab’ ketaq ri’ pa uk’olib’em cha’onem xuquje’ pa taq tinamit, rech kakib’an chajinem rech uq’atexik b’anoj k’ax ch’a’ojinem pa tinamit, xuquje’ kakoj ri’ uk’olib’alil chajinem kumal wokajilal, pa taq tinamit, rech kilik chi la’ we man k’ot winaq taqom kichapik ri’ xuquje’ awan kunb’al ri’.
Xuquje’ k’o chajinem kab’an pa taq latz’ k’olib’em, k’o chajinem kab’inisax ub’anik chi rij kejach’ich’ xuquje’ k’o chajinem pa cho kaj ruk’ helicópteros rech ri Unidad Aérea rech ri Ministerio rech Gobernación (Unagob), pa uq’ijol kicha’ik k’ak’ q’atb’al tzij qatinamit ri’.