Eri Viceministro rech Q’atel k’ax ri’ rech ri Ministerio rech Gobernación, Carlos García Rubio, xuya’ ub’ixik ub’anik ri ya’ltzijol ub’i’ “Rompe con el Silencio”, xuquje’ ruk’ le jun chik kub’ij “ri kab’ij uloq are kub’an ko che ri ya’talil chawe”, rumal ri’ chab’ij uloq pa le 110 rech PNC, pa le 1572 ruk’ ri le MP, xuquje’ ya’tal katok ruk’ le código QR rech k’o kab’ij uloq ri b’anoj k’ax kawilo.
“Eri ya’ltzijol ri’ are wa’ kaya’taj utzijob’exik pa jun chik wuqq’ij kumal ri q’atb’altzij ri’, are wa’ kutaqij umolik uwach ri sik’inem uloq kumal ri winaqil pa tinamit pa le 110 rech PNC xuquje’ rech are ketaq b’i le ch’ich’ rech puqchajinem pa le kojom wi uloq ri sik’ib’anek ri’”, xcha’ le García.
Eri puchajinem ketaq ri’ are pa juntir uwach amaq’ ri’ rech kechajixik ri ixoqib’, ri taq ala, taq ali xuquje’ e alab’om alitom e k’ajolab’ ri’.