Eri q’atb’altzij rehc ri sección ech expertajes rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) xkiya’ loq ub’ixik che pa le 23 rech septiembre k’a pa lajuj q’ij rech noviembre rech pa junab’ ri’ e k’o chik 17 chi ch’ich’ e chapom chi kanoq pa le uk’olib’alil ri’, k’a xmajtaj kasolixik pa we uwachwuj k’amq’aq’nil ri’.
Eri winaqil e ajloq’ol rech jun ch’ich’ ri’ rajwaxik kab’an usolixik ri’, rech kilik we k’o pa usaqilal rech kak’ayixik xuquje’ kaloq’ik ri’.
Eri qas kakik’exo ri nik’aj elaq’omab’ che ri ch’ich’ ri’, are ri uranch’ich’, uvin kak’exom xuquje’ kijomel ri rajilab’al ri’ xuquje’ kichupisam uwach ri’.
Eri q’atb’altzij rech ajchajilt tinamit ri kib’im chi ke ri winaqilal ri’, are maja’ na kakiloq’o tane’ jun ch’ich’ rajwaxik ri’ kakil utzijo we man xat eleq’am tane’ ri ch’ich’ ri’ are tzijol kakita’o pa jachakunb’al rech ri DEIC ri’.
K’a te kanoq ri’ pa le zona 3 rech Chimaltenango ri’ chi la’ k’ut xchap wi kanoq jun ch’ich’ ruk’ uplakas rech kab’inisaxik P-115DMW marca mazda, modelo 1999, chajchoj ri’.
Eri q’atb’altzij xkiya’ loq utzijol che ri ch’ich’ ri’ tak’al kanoq pa tinamit ri’ xuquje’ aretaq xta utzijol kumal ri reqa’lenel ajchajil tinamit pa le Nuk’ulib’al tzijol kumal ri’ ajchajil tinamit, k’a te xkilo chupisam utzijolil ri’ k’a pa le junab’ 2018, rumal ri’ xk’am b’i pa q’atb’altzij ri’.