Eri SGAIA, katajin che usolixik uwach ri Cocaína xraqataj rumal ri’

 

Eri Sub Dirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC) katajin k’ut b’anoj usolixik uwach ri awan kunb’alil ri xuraq k’ut pa San Andrés Petén, chi’ k’u ri’ xkiraqo wi e k’i taq ch’ich’ ruk’ k’i taq k’olib’alil chi upam chi’.

We kamik ri’ are e raqom chik ri ch’ich’ ri’, are jun pick-Up Mitsubishi chajchoj rij, P- 773 GFH, xuquje’ chi upam xeraq wi e kajib’ chi k’olib’alil rech keqaxik, ruk’ jun ch’ich’ ch’awib’alil, xuquje’ ruk’ jun k’olib’al ruk’ jun koxtar kape rij.

Xuquje’ k’o jun ch’ich’ pick-Up Nissan Frontier chajchoj, P- 643 DZQ, chi upam k’ut xraq wi jun raqarik k’aqb’al A-K 47, ruk’ kajib’ eqab’al xuquje’ pa le k’olib’alil ri’, jun eqab’al, jun koxtar xuquje’ jun ch’ich’ rech ch’awib’al ri’.

Ruk’ jun chik ch’ich’ pick-Up Toyota Hillux, chajchoh, P-849 FKV, chi upam xraq wi jun raqarik k’aqb’alil q’eq rij, jun ch’ich’ rech ch’awib’al, jun eqab’al, xuquje’ pa jun k’olib’al jun eqab’al xuquje’ jun chupsib’al; jun ch’ich’ pick-Up Toyota xar rij, maj uplacas rech kab’inisax tane’, jun chik pck-Up Toyota Hillux, q’eq rij, P-075FDY, chi upam xraqataj wi keb’ koxtar xuquje’ jun eqab’al, pa le ch’ich’ ri’ k’o lajuj eqa’n xraqataj ri’.

Eri q’atb’altzij xkiya’ ub’ixik jas qas ucholaj rilik ri ch’ich’ xkiraqo are jun chik pick-Up Toyota Hillux saq rij, P-845FMJ, xuquje’ pa le ch’ich’ ri’ xkilo e k’o k’i taq eqa’n, xuquje’ jun eqab’al, xuquje’ pa jun chik ch’ich’ pick-Up Toyota Hillux chachoj, P-937GPN, chi upam xkiraq wi loq keb’ ch’ich’ rech ch’awib’alil, pa le ch’ihc’ ri’ e k’o k’i eqa’n, keb’ mochilas, jun koxtar, keq rij.

E nik’aj ch’ich’ ri’ chi uxe’ taq che’ chi naqaj jun ja k’olib’al q’an rij xeraqataj wi loq, eri ja ri’ majun winaq tane’ k’o chi upam xuquje’ pa le 300 metros apanoq k’o jun chik ja k’olib’alil xraqataj kumal ri e ajchajinelab’ chi’ xkiraq wi jun raqarik k’aqb’alil, qaraj are AK-47, jun raqarik k’aqb’alil, qaraj are AR-15, ruk’ jun rijxa’, q’eq’ rij ruk’ oxib’ k’olib’alil ub’aq’ rech raqarik k’aqb’al ri’.

Alerta de Corrupción

Ultimas noticias