K’o oxbi’ 178 pajb’alil ri’ junam ruk’ Q 326 millones 533 mil 683.22 ri rajil ri’ pa ronojel rech ri Cocaìna che ri xraqataj loq kumal reqa’lenel ri Sub Dirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) are wa’ xchakuxik pa komonb’al ruk’ ri Ministerio rech ri Defensa xuquje’ ri Ministerio (MP).
Eri q’atb’altzij rech ajchajil tinamit xkib’ij eri rajilanik ri’, are wa’ k’a pa le 20 rech abril che ri b’anom kowinem raqom chik ruk’ uraqik jo’ob’ chi xik’ch’ich’ che ri esam chi ke ri narcotráfico, ri rajil are kopan pa Q 8 millones ri’.
Eri k’a te xraqatajik ri’
Eri tzukunem b’anom pa komon taqawokajil pa le k’isb’al wuqq’ij kanoq are chi’ xsolixik jun nim jukub’ ch’ich’ chi la’ pa le bahía rech Amatique, Puerto Barrios, Izabal, chi’ k’u ri’ xraqataj wi jun tutz’tik ch’ich’ k’olib’al ub’i’ “Paràsito” chi upam k’ut xraqataj wi 30 pajb’alil rech Cocaìna ri’. Xuquje’ ri 750 chi pajb’alil Cocaìna jupum pa jun k’ache’laj che ri xraqataj pa Las Cruces Petèn, che ri e petinaq loq pa jun alaj xik’ch’ich’ xtzaq loq chi’, ri xraq kumal ri wokajil ajchajil amaq’ Iximulew ri’.
Rumal ri’ chak xb’an kumal rajchak ri jachakunb’al antinarcótico are xuya’ pa retal rech xraqik 812 mil 223 chi raqan ichaj rech Marihuana eri rajil are ri’ Q 304 millones 583 mil 625, xuquje’ eri xporox k’ut are ri’ 767.06 pajb’al eri rajil ri’ are Q 287 mil 645.69 xuquje’ 807 onzas rech ri awan kumb’alil eri rajil Q 68, 595.
Pa le b’anoj tzukunem xb’antaj rumal ri SGAIA, xraqatajik 58 chi xetk’olib’alil rech awan kumb’alil b’anom ri’ xuquje’ ruk’ 39 k’olib’al chik ri raqom ri’ eri rajil pa ronojel are ri’ Q 9 millones 600 mil ri’.
Pa k’isb’alil ri’ eri utzijol xya’taj loq kumal e ajchajil tinamit kub’ij eri xraq ri’ are pwaqil b’otolik rech pa amaq’ ri’ k’a pa le nab’e q’ij rech enero pa le 20 rech abril ri’ are ri’ Q320 mil 235.45 xuquje’ pa pwaqil dólares eri xraqataj ri’ pa upwaqil amaq’ ri’ are ri’ Q 7 millones 483 mil 176.00.