Eri SGAIA xuriq k’ut kuk’ ri narcotráfico Q 486 millones chi pwaqil pa le nab’e ik’ pa junab’ ri’

Pa komonchak ruk’ ri Quinto Viceministerio Antinarcótico, rech ri Ministerio rech Gobernación xuquje’ rumal ri b’anoj puqchajinem tzukunik xb’an kumal ri Sub Dirección General rech Análisis rech Información Antinarcótica (SGAIA) rech ri Wokajil Ajchajil Tiamit (PNC) pa le nab’e ik’ rech pa junab’ ri’ pa ronojel k’ut xq’alajinik che k’o Q 486,579,550.04 chi pwaqil xriqitajik rech k’ayin awan kunb’alil ri’, ri uqirik tiko’nib’al rech Marihuana, Uxaq Coca xuquje’ Amapola xuquje’ k’o jastaq xriqitajik xesax pa kiq’ab’ ri narcotráfico xuquje’ ri pwaqil b’otolik ri’.

Eri q’atb’altzij antinarcóticos xkib’ij pa taq ri nab’e q’ij k’a pa le 31 rech Enero xriqitajik xuquje’ xporox ri’ 325,924 chi tiko’nib’al rech Coca, k’o 218,568 raqan ichaj tiko’n rech Marihuana xuquje’ k’o 6,032 raqan ichaj tiko’n rech Amapola pa ronojel ri’ k’o Q85,373,040.00 chi pwaqilem xraqataj xutun rib’ pa ronojel ri’.

Pa ronojel ri xriqitajik e k’o 11 chi ch’ich’ rech keb’inisaxik, 12 chi k’aqb’alil, 446 ub’aq’ k’aqb’alil ri’ xuquje’ 13 uk’olib’al ub’aq’ k’aqb’alil, pa ronoje ri’ k’o Q 393,000.00 chi pwaqil xriqitajik pa ronojel ri’ xuquje’ e k’o keb’ rachoch k’olib’al b’anob’al awan kunb’alil xriqik ri k’o juntir uchokonsab’alil ri’ eri rajil ri’ k’o Q400,000,000.00 chi pwaqil pa ronojel ri’.

Pa k’isb’al e pa taq jalajoj puqchajinem tzukunem antinarcóticos ri’ eri e ajpuqchajinel ri’ xkiriqo Q 6,931.00 chi pwaqil pa ronojel xuquje’ ri’ $ 24,000.00 chi kaxla’n pwaqil xriq kuk’ ri narcotráfico ri’.

Rumal ri puqchajinem xb’an kumal e ajchajil tinamit ri’  pa le ub’ixik xya’taj rumal ri SGAIA xuq’alajisaj wi che k’o 107 chi winaqil e chapom e uwinaqil ri narcotráfico ri’.

Alerta de Corrupción

Ultimas noticias