Pa uterenb’exik ri uk’exik uwach ri Wokajil Ajchajil Tinamit (PNC), eri reqa’lenel ri Subdirección General rech Prevención rech ri k’ax (SGPD) ri’ pa k’isb’al wuqq’ij ri’ xkib’an jun cholchak patan ub’i’ “Jun q’ij ruk’ nuwinaq” ri’ pa taq k’olib’em che ri qas kak’ulmataj wi k’ax ri’ pa Ciudad Real zona 12 rech Villa Nueva ri’.
Eri Waqib’ eqa’lenel ri’ xe’opan pa le asentamientos Granja Gutiérrez xuquje’ Línea Férrea Ciudad Real zona 12 ri’, chi la’ k’ut xkil wi ri k’axk’onem kariqitaj chi’ xuquje’ xeb’e cho taq kachoch winaq rech xkijach ri wujtzijolil rech q’alanem pixab’nik ri’, rech kakik’amsan kib’ che b’iw ub’ixik loq kitzijol e ajb’anol k’ax ri’ pa le ch’a’wib’alil kuk’ ri q’atb’al tzij.
Pa le Lote 6 F 3, Línea Férrea Ciudad Real I Zona 12 Villa Nueva ri’, ruk’ katob’anik ri wokajil e ajchajinelab’ ri’ xkisaqab’isaj uwach 28 etok’al pa ukajtzajil jun uwoxan ri’ ri xkichupisaj wi katz’ib’anik ri pandillas ri’.
Pa Guajitos, zona 21 ri’, xkikoj wi jun K’olib’al rech Q’alan tzij, jeri’ xe’opan pa taq k’ayib’alil xuquje’ xkib’an loq pixab’nik chi ke ri winaqil e ajk’ulja chi’, chi rij taq chomanem pa aninaqil ri’.