Eri Tijob’al rech PNC kumaj tijonem chi ke e k’ak’ ajchajinelab’ ri’

Are wa’ rech kak’iyirsaxik kuwach ri wokajil ajchajil tinamit, pa le 18 rech enero rech pa junab’ ri’, kamajtajik ri b’anoj tijob’enik chi ke ri k’ak’ eqa’lenelab’ rech chajin tinamit ri’ ri kumaj b’i waqib’ ik’ rech ketz’aqatisaxik pa le Wokajil Ajchajil Tinamit (PNC) ri’, pa le Academia pa zona 6 ri’.

Eri Marlon Cardona Alfaro, subdirector General Interino rech ri Escuela rech Estudios xuquje’  Doctrina rech PNC, xuya’ ub’ixik ri’ che k’o chik pa saqil kib’i’ ri xecha’ik e 1 mil 600 chi achijab’ xuquje’ ixoqib’ rech ke’ok che reqa’enel ri PNC ri’.

“Eri ajtijoxel ri’ jewa’ kijachik kab’an ri’, pa le Academia rech zona 6, kek’oji e 900 chi ajtijoxel ri’, 300 chi ixoqib’ xuquje’ 600 chi achijab’, e k’o 400 ketaq b’i pa Cuilapa xuquje’ e k’o 300 ketaq b’i pa Chinab’jul, rech ketob’an ri’ chi rij panoq ri’. Eri tijonik ri’ are kumaj b’i waqib’ ik’ ri’”, xcha’ ri Cardona Alfaro.

Xuquje’ eri subdirector Cardona, xkub’isaj ub’ixik che ri e ajtijoxel ri’ k’o kewar wi, k’o kiwa ri’ jeri’ chi ke achijab’ xuquje’ ixoqib’ ri’, sib’alaj k’o jun nim saqab’isanik chi ke ri’ rech uq’atexik ri jun itzel yab’il rech COVID-19 ri’.

Eri q’atb’altzij rech ajchajil tinamit tajin kesik’in chi ke chinaq kikaj ke’ok che ajtijoxel rech ke’ok pa le wokajil rech ri PNC ri’, rumal ri’ rajwaxik kakita utzijol ri jun k’ak’ sik’inem

Noticias Recientes