Aretaq xb’antaj lajuj junab’ b’anoj kichak ri’, e kab’lajuj chi tz’i’ e ajtzukunel xetaq b’i pa uxulanem ri’ are la’ xb’antaj pa le rachoch ri Escuela Centroamericana rech Entrenamiento Canino (ECEC) ri’.
Pa le ilb’anem ri’ xetatab’enik ri Quinto viceministro rech Gobernación, Fernando Rodas, ri Q’atb’al tzij rech ri Sección rech Asunto Antinarcóticos xuquje’ rech ri Ukojik ri Taqanem (INL) rech ri Embajada rech ri Estados Unidos rech América, ri q’atb’al tzij rech ri Wokajil Ajchajil Tinamit xuquje’ rech ri Subdirección General rech Ajq’atenel Awan Kunb’alil (SGAIA) ri’.
Eri tz’i’ e eqa’lenel ri’ e are ri’ ri Cezar, Gigi, Nero, Ciro, Coffe, Basco, Edo, Jack 2, Linda, Fargo, Black xuquje’ Charlie ri xkib’an ri k’isb’al kicholb’inem ri’ rech e tz’i’ K-9 ri’, rech te k’u ri’ keya’ b’i pa k’ak’ kachoch keb’e wiri’.
Pa le utzijonik xub’ij ri Viceministro Rodas, xumaltyoxij ri utob’anik xuya’ ri’ ri Estados Unidos pa le cholchak q’atenik ri narcotráfico ri’, sib’alaj xuya’ ub’ixik che ri komonchak xb’antaj kuk’ ri pa we amaq’ xuquje’ pa juntir k’o nim upatanib’al ri’.
“Eri tz’i’ e eqa’lenel ri’ k’o jun loq xuquje’ nim kichak xkib’an ri’, rumal ri’ ronojel qanimab’al kaloq’oxik ri’ are sib’alaj tz’aqat chi kech ri’. Rumal qas utz b’a’ we keb’e kuk’ pa kachoch e utz taq winaq pa kachoch ri’”, xcha’.
Eri e kab’lajuj chi tz’i’ e eqa’lenel sib’alaj xechakun pa lajuj junab’ ri’ che nim tob’anik pa le utzukuxik ri awan kunb’alil, pwaqil, k’aqb’alil, poq’sab’al ri’, k’o jun nim upatan ri q’atenik xkib’an chi ke ri narcotráfico ri’ xuquje’ rech pa ya’olchajinem kub’sib’al k’u’x chi kech ri winaqil e aj iximulew ri’.