Pa le Escuela Centroamericana rech Entrenamiento Canino (ECEC) rech ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC), eri tz’i’ e eqa’lenel K-9 sib’alaj tajin ke’ilik ke’itinisaxik, ketzuqik xuquje’ ke’uxulunisax ri’.
Pa jujun jamalil uwach kik’olib’al ri K-9 are ke’ilik rech kakitzaq ta kib’ kechulan ta chi la’ k’ur, rech kakik’am ta yab’il ri ch’a’k ri taq tz’i’ chi’.
Xuquje’ eri tz’i’ eqa’lenel ri’ ketzuqik xuquje’ kaya ukiy kib’aqil kakik’el, are ri’ utaqom ub’anik ri ajkun kech awajib’ ri’, rech jikom uwach ketzuqik jacha ri kalal kepajanik.
Eri SGAIA xub’ij che ri tz’i’ eqa’lenel ri’ ke’okisax pa le kich’at kik’olib’al ri’, rech kape ta q’oxom b’aq’il kich’akul ri’ xuquje’ rech ke’uxulan pa utzilem, rech kakimaj ta ri k’ask’atem kosik; rech utz kechakun pa taq ri tzukun awan jastaq ri’.
Eri K’amal b’e rech ECEC, xub’ij chi k’o jun ajkunanel rech awajib’ chi paq’ij chi chaq’ab’ kuk’ rech kerilo ke’ukunaj pa aninaqil xuquje’ are terenb’em le rilik rumal rajtijonel ri SGAIA chi ke ri’, ri xkitijoj kib’ rech e ajkunanel tz’i’ awaj pa le sur rech ri perajil juyub’ ri’ xuquje’ pa Estados Unidos rech América ri’.
Áreas para mitigar el estrés
Pa le ECEC k’o ri nimaja jamalik rech keki’kotisax wi ri tz’i’, chi la’ k’ut ke’itinisax wi xuquje’ kixa wi kij. Xuquje’ eri K-9 ri’ ke’opan che b’inik pa le laguna Del Pino, k’o pa Barberena, Santa Rosa; chi la’ k’ut kemuxin wiri’, ke’ewakat wiri’ xuquje’ rech ke’etz’an wiri’ ruk’ ri kik’amol kib’e.
Xuquje’ k’o jun kiwarib’al ja rech kewar wi ri tz’i’ chi la’ k’ut ke’uxulan wiri’, are wa’ kab’anik ruk’ utob’anem ri embajada rech ri EE.UU.