Eri tzukno’jchak ri’ xkichap loq nik’aj achijab’ rumal k’aqanik xkib’ano

Pa le colonia Santa Ana Berlín I, rech Coatepeque, Xe’laju’, e k’o oxib’ chi achijab’ xechap loq aretaq xeriqitajik ketajin che jun b’anoj k’ax, rumal ri’ xeq’atex ri’ kumal ri reqa’lenel ri División Especializada rech Investigación Criminal rech ri Wokajil Ajchajil Tinamit ri’.

E are ri’ a Juan Jose Barrios Gómez 33 ujunab’, a Eduardo Perez Gomez 52 ujunab’ xuquje’ a Fredy Obed Soto Gamboa 22 ujunab’, xch’ob’otaj kuwach e are xkikamisaj jun winaq pa le 5ta av 8 calle barrio Guadalupe zona 4 Coatepeque ri’.

E are ri’ xeriqitaj kumal e ajchajil tinamit rumal ri kilik xya’taj ub’ixik kumal ri winaqilal ri’, aretaq xch’ob’otaj kuwach e b’enaq pa jun ch’ich’ ri’, pa le ch’ich’ ri’ xriq wi jun k’aqb’alil xuquje’ ri ratz’iyaqb’al ri jun chi ke ri xkamisan ri winaq chi’ la’.

Chi ke’ nik’aj winaq ri’ xriqitaj wi kajib’ chi ch’a’wib’al, jun k’aqb’al, pa le ch’ich’ ri’ xriq jun k’olib’al k’aqb’al ruk’ keb’ ubaq’ ri’, ruk’ atz’iyaq, eri ch’ich’ ri’ xk’am b’i pa uq’ab’ ri Ministerio Público rumal k’ot uwuj ri’.

Eri xechapataj ri’ xek’am b’i pa Q’atb’altzij, rech rulewal tinamit rech Coatepéque ri’.

Ultimas noticias

Alerta de Corrupción