Eri tzukun awan kunb’alil are la’ katajin pa waqib’ chi tinamit ri’

Eri Wokajil Ajchajil Tinamit (PNC) we kamik k’o 122 chi b’anoj tzukunem ya’olchajinik tajin kub’an pa waqib’ taq tinamit rech pa we amaq’ are la’ rech nimalaj kaq’atexik ri nuk’wokaj e ajb’anol k’ax che ri e ajk’ayin taq awan kunb’alil ri’.

Eri tzukunik ri’ are katajin pa komon rumal ri Subdirección General rech Análisis rech Información Antinarcótica (SGAIA) xuquje’ rumal ri Subdirección General rech Investigación Criminal (SGIC), ruk’ kitob’anik reqa’lenelab’ ri wokajil ajchajil tinamit xuquje’ kumal taq ri comisarías ri’.

Pa ronojel ri’ k’o 122 chi b’anoj tzukunem katajin pa taq le tinamit ri’: pa Iximulew, pa Escuintla, pa San Marcos, pa Xe’laju’, pa Suchitpéquez xuquje’ pa Retalhuleu ri’.

E tzukunik ri’ are la’ katajin pa nimatinamit ri’ pa taq le zonas 1, 6, 7, xuquje’ 18, xuquje’ pa taq le uq’ab’ tinamit rech Mixco, Villa Nueva, San José Pinula, Santa Catarina Pinula, Fraijanes xuquje’ pa San Miguel Petapa ri’.

Eri tzukunem ri’ are la’xsolix jas le ub’anik katajin ri’ rumal ri K’amal b’e rech ri Wokajil Ajchajil Tinamit, José Antonio Tzuban, rumal ri jun chik K’amal b’e, Edwin Ardiano xuquje’ kumal nik’aj chik e k’amal b’e taqanik ri’.

Eri K’amal b’e Tzuban xub’an jun nim sik’inik chi ke ri winaqil e aj iximulew, rech chakib’ij loq wexa’ k’o b’anoj k’ayin awan kunb’alil kakilo kab’an ri’ pa le 110 rech PNC xuquje’ pa le 1577 Línea Antinarcótica ri’.

E pa zona 1 rech Mixco, Planes rech Minerva, chi la’ k’ut xriqitaj wi loq jalajoj taq uwach awan kunb’alil xuquje’ pwaqil ri’; pa le colona Maya, zona 18 xriqitaj wi jun caja fuerte ri’, jun k’olib’al ruk’ jun pajb’al rech Marihuana ri’ xuquje’ jun mochila q’eq ri’ xuquje’ pa le 16 calle rech ri zona 1 ri’ xriqitaj wi nik’aj tutz’kunab’al rech cocaína xuquje’ ri ab’aj rech crack ri’.

Eri Subdirector rech Investigación Criminal, Nery Benito, we jun b’anoj awan k’ayinik ri’ are kuk’ayij awan kunb’alil chi ke winaq ri’, rumal k’u la’ k’o nimak’ax tajin kab’an chi la’ xuquje’ are la’ kub’an chi ke ri winaqil kakib’an ri k’ax chi la’.

Pa taq le waqib’ chi tinamit ri’ riqom wi jalajoj taq uwaxch awan kunb’alil xuquje’ pwaqil b’otolik, rumal ri’ eri tzukunem ri’ are la’ katajin pa Xe’laju’, pa taq uq’ab’ tinamit rech La Democracia, Santa Lucía Cotzumalguapa xuquje’ pa Tiquisate, pa Escuintla; San Pedro Sacatepéquez xuquje’ pa Ayutla, San Marcos xuquje’ pa uq’ab’ tinamit rech Amatitlán, Guatemala ri’.

Pa jun ja k’olib’al k’o pa tinamit San Antonio, Suchitepéquez ri’, xechapataj wi e keb’ chi ixoqib’, ri jun chi ke are ub’i’ Juana González Figueroa 57 ujunab’ xuquje’ jun chik ub’i’  Yulisa Marilis Lopreto González 39 ujunab’, eri kimak kab’ixik are k’ayin awan kunb’alik xuquje’ rumal uk’olib’al pa taq kachoch, are la’ xriqitajik, 200 chi ab’aj rech crack, 12 chi taq k’olib’alil ruk’ cocaína, Q5 mil chi pwaqil ri’, jo’ob’ chi DPI xuquje’ ruk’ 24 uk’olib’alil rech vidrio ri’.

spot_img

Ultimas Noticias

Inician recuperación de espacios en San Jose Pinula

En cumplimiento al proyecto “Un Arbol para mi Comunidad”, agentes de la Subdirección General de Prevención del Delito de Policía Nacional Civil, desarrollaron la...

Capturan a implicados en distintos delitos en Quetzaltenango

Por más de ocho delitos, ocho personas puestas a disposición por elementos de la División Especializada en Investigación Criminal, de Policía Nacional Civil (PNC)...

Investigación Especializada detuvo a 26 personas

Con un trabajo especializado e investigstivo, elementos de la (DEIC) de Policía Nacional Civil detuvieron en una serie de accione a 26 personas implicadas...