Pa jun tzukunem xb’antaj kumal rajchajinelab’ ri Subdirección General rech Análisis rech Información Antinarcótica (SGAIA), rech ri Wokajil Ajchajin Tinamit (PNC) xkiriqo xuquje’ xkiporoj 3,300 chi chi ichaj tiko’n rech coca ri’ pa taq ri ka’che’laj chi naqaj ri caserío La Caoba, pa San Luis, Petén ri’.
Eri ub’ixil ri xuya ri PNC, eri awan kunb’al ri’ are kopan pa Q82 mil 500 chi upuwaqilem ri rajil ri’, xporoxik jacha ri taqom ub’anik. Eri b’anowem ri’ are la’ uwach pa amaq’el rech kaq’atexik ri b’anow uq’atexik upoq’saxik xuquje’ rech ujachik ri awan kunb’al pa rulewal amaq’ tinamit.
Eri puqtzukunem ri’ are la’ uwach ri b’anowem chajinik rech rilik uch’ob’ik utzijol taq ri narcotráfico xuquje’ ri nik’aj chik b’anow k’ax ri kab’an pa taq amaq’ib’, rech ri kaq’atexik ri b’anow taq tiko’ninik ri kape wi ri awan kunb’al ri’.
Eri uriqik uporoxik ri tiko’nib’al ri awan kunb’al ri’ are rech kaq’atexik ri tikom wiri’ ri are kechexik kumal ri nik’aj b’anol k’ax rech ri narcotráfico, rech ya’ik uchuq’ab’ ri b’anow uq’atexik k’ax xuquje’ ruk’ nik’aj chik b’anow ri’.
Eri q’atb’al tzij xkib’ij ri’ che ri puqtzukunem are katerne’xik ub’anik pa taq ri k’olib’alil rech ri amaq’ tinamit, rech kariqitajik xuquje’ rech kaporox uwach taq ri tiko’nib’al rech awan kunb’al ri’ xuquje’ rech are katob’anik pa le ya’ik uchuq’ab’ ri b’anow chajinem pa amaq’ tinamit. Jeri’, kab’an ri kasik’ixik rech ub’ixik chi ke ri winaqil pa tinamit rech chakib’ij loq utzijol taq pa le ch’a’web’ab’al 110 kuk’ ri PNC, pa le 1577 pa ch’a’web’ab’al rech Antinarcótica xuquje’ pa le 1561 rech Crime Stoppers.