Pa lajuj ik’ ik’, eri e’ajchajiin tinamit e’ajtijoxel xb’an ri katijoxik rech ke’ok, pa chajinem tinamit ri’.
Are rech kakib’an ri chajinem ri kato’ik ri winaqilal e’aj iximulew, e k’o e 2 mil 559 chi e’ajtijoxel xkimaj ri Tijonem Rajawaxik chi ke ri’ rech Ke’ok che Rajchajinelab’ ri Wokajil Ajchajin Tinamit (PNC), e’are kiwach ri ukak’al ub’elejlajuj chi jupuqil ri’, pa le b’anowem ri’ xkik’utu ri xkich’ob’ ub’anik pa le Escuela rech Formación rech Oficiales rech Policía (ESFOP) ri’.
Eri k’ak’ puqtzukunem ri’ are wokom uwach kumal 628 chi ixoqib’ xuquje’ e 1 mil 931 chi achijab’, ri xkimaj ri katijoxik kib’ chi rij taq ub’anikil rajawaxik uwach ri b’anow chakunem, ri q’ijob’al, ri suk’ilal tzij xuquje’ ri b’anik ri kichak ronojel kanima’ ri’.
Pa le b’anow tijonem ri’, eri e’ajtijoxel xkik’am uch’ob’ik ri k’ak’ tijonem xuquje’ reta’maxik ri ub’anik ri chak ri kuya’o uchuq’ab’ ri b’anow kichak ri’. Chi ke ri’ eri katijoxik ri e’ajchajinel pa kik’olib’alil winaqil ri’, ri b’anikil tijonem, ri utz’ib’axik ub’ixikil, ri k’aqb’al q’aq’ ruk’ ri taqinik ruk, ri una’welil b’anoj chak, ri uwach taq tzijonem chi rij pa uk’iyal b’antajil uk’iyal no’jb’anikil rech pa amaq’ tinamit.
Ri utzilem ya’tal chi ke ri jupuq ri’
Are uwach ri ub’anik ri tijonem ri’, eri e’ajtijoxel ketoj chi ik’ Q1 mil 200 chi pwaq kaya chi ke pa le katijoxik, are rajawaxik chi ke rech kakich’ob’ ub’anik ri chajinem pa tinamit ruk’ no’jb’anem chak rech kek’oji chi kinaqaj ri winaqilal.
Pa le xub’ij ri’, eri ministro rech Gobenación, Marco Antonio Villeda, sib’alaj xub’ij che ri suk’ilal nimantzij ruk’ ri’ kamajtaj ub’anik jacha kab’an jun chajinem warinik, rech b’a’ are chi rajawaxik chi re le wianq ri’ we karaj kub’an utz suk’ che rib’, pane’ b’a’ k’ot jun winaq qas kilow loq.
“Eri wokajilal ri’ man kakik’ex ta kib’ kutukel tane’ ruk’ le tzijob’elil; kakik’exo kib’ are chi’ we ri jun wokaj kiwach winaq kakichomaj kakib’an utz che kib’. Xuquje’ ri ix kimajo iwokik pa le jupuq chi winaqilal ri’ k’a pawe q’ij kimik, man are taj k’o chik jun iweqale’n tane’, we are k’o kik’aml kib’e ri jun jachakub’al tane’, xane’ are che we chajin k’ut”, xcha’ ri nim patanel.
Pa le jun b’anikil ri’, ri are xub’ij che ri k’amow b’e ri’ are sib’alaj kamajtajik k’a maja’ kub’an jun le k’amow b’e, are kak’utunik are chi’ ri jun winaq kuch’ob’ ub’anik ri taqanik ruk’ jun ub’antajil xuquje’ ruk’ uk’amik ri reqale’xik ruk’ uchomab’al ri’.
“Chi maja’ b’a’ uchomaxik jas le chi ajchajinel kiwajo kib’an ix pa chuwe’q kab’ij. Rumal ri’, ri jujun b’anikil, ri b’anob’alil, ri k’amansan b’anikil, ri rutzilal xuquje’ ri uchomab’alil ri’, rumal k’ut are qas nab’e na kakikoj ri atz’iyaqb’al ri’ katajin katijoxik ri winaq ri’ chi k’o jun q’ij ri’ kukojo b’i”, xcha’.
Jeri’, xupixab’ej ub’ixik chi ke ri ajchajinel tinamit rech chuwe’q kab’ij che chakik’ama b’a’ kimik reqale’xik ri b’anow chak ri’ pa le katijoxik xuquje’ ruk’ ronojel kanima’ ri chak ri’.
“Are chi’ kixel b’i chi’ chuwe’q kab’ij, mik’amo b’i ruk’ jun b’anow tzij ri’; eri reye’xik ri’ are kamajtajik pawe q’ij kimik”, xcha’ xuk’iso ub’ixik.
Jipim uwach ri b’anow katijoxik
Eri k’ak’ jupuq e’ajchajinelab’ ri’ are kejach pa taq ri jalajoj taq rachoch tijob’al kech: eri jun 1 mil 381 ketijox pa le Rachoch Nimatijob’al rech ri PNC, eri 578 ketijoxik pa Chinab’jul xuquje’ eri 600 ketijox pa le rachoch tijonem rech Cuilapa,
Pa le riqonem ib’ xek’oji ri viceministro rech Seguridad, Roberto Solórzano; runimal k’amal b’e ri PNC, David Custodio Boteo; ri q’atb’al tzij rech chajinel tinamit kuk’ ri kachalalil ri rajtijoxel ri ajchajin tinamit. Eri cholchak ri’ kub’an ri k’utuw b’anow chajinem pa taq ri unidades rech rajchajinelab’ e rajawaxik.
Pa le b’anow tijonem ri’, eri PNC kuya uchuq’ab’ ri kakojik ri k’ak’ taq e’ajchajinelab’ pa le wokajil chajin tinamit xuquje’ rech ri xe’ok pa le b’anow tijonem rech chajin tinamit ruk’ ri je’l katijoxik, rech kich’ob’ unimaxik ri uk’iyalil xuquje’ ri kanimaxik ri winaqilal, rech b’a’ kakib’ano che kow xetijoxik rech ketob’anik pa le b’anow chajinem pa Iximulew.